पोखरा । दशैंमा मासुका लागि मुस्ताङ मनाङबाट ठूलो मात्रामा च्याङ्ग्रा, भेडा पोखरा लगायतका शहर झार्ने गरिन्छ । एकैपटक धेरै संख्यामा ल्याउने हुनाले असुरक्षित पनि उस्तै छ । मुस्ताङबाट पोखराका लागि ल्याइएको च्याङ्ग्रा काँडेमै बाघको शिकार बनेको छ ।

स्थानीय पत्रकार श्रीभद्र पौडेलका अनुसार १५ वटा भेडा च्याङ्ग्रालाई बाघले मंगलबार राति खाएको छ । धेरै संख्यामा च्याङ्ग्रा ल्याउँदा सुरक्षा गर्न नसकिएको र रातको समयमा बाघको आक्रमणमा परेको हो । ७ वटा भेडा र ८ वटा च्याङ्ग्रा मारेको तथा ३ घाइते बनाएको हो ।

भेडा च्याङ्ग्रा मुगुका व्यवसायी छिरिङ लामाले बिक्रीका लागि ल्याएका थिए। भेडा-च्याङ्ग्रा मर्दा ४ लाख रुपैंया घाटा भएको अनुमान गरिएको छ। बाघले मारेर रगत पिएका च्याङ्ग्राहरुलाई धनीले निकै सस्तो मूल्यमा स्थानीयलाई नै बेचेको बताईएको छ ।

च्याङ्ग्रा चोरको आरोप लगाएकोमा कास्की प्रहरीदेखि स्थानीय असन्तुष्ट

यसअघि, कास्की प्रहरीले असोज ९ गतेको घटना भन्दै पोखराका पत्रकारलाई २ वटा च्याङ्ग्रा चोरी गर्ने अन्नपूर्ण गाउँपालिका ६ ढावाका २४ बर्षका सागर गुरुङ र विशाल गुरुङलाई च्याङ्ग्रा चोरको आरोप लगाउँदै विज्ञप्ती प्रेषित गरेकोमा स्थानीयले विरोध जनाएका छन् ।

समाचार सार्वजनिक हुने बित्तिकै स्थानीयहरुले २ वटा च्याङ्ग्रा फेला परेकाले केटाहरुले काटेर खाएको, धनीी पत्ता नलागेकोले काटेको भन्दै पछि धनी फेला परेपछि ५० हजार रुपैंया दिएपछि पनि प्रहरीले चोर भन्दै बेईज्जत गरेकोमा आपत्ति जनाएका छन् ।

१ सय ९९ वटा च्यांग्रा ल्याईएकोमा २ वटा चोरेर पोल्दै गरेका उनीहरुलाई कानुनी कारबाही अघि बढाईएको कास्की प्रहरीले जानकारी दिएको थियो । स्थानीय युवा ईश्वर शर्माले भिडबाट छुटेको च्याङ्ग्रा काटेर खाइदिएको र पछि ५० हजार दिएको मिडियासमक्ष बताएका छन् ।

यस्तो थियो कास्की प्रहरीले दिएको जानकारी:

http://gandaknews.com/chyangra-chor/