परासी । पश्चिम नवलपरासीको ७ वटै स्थानीय तहबाट २ सय ७ जनाको स्वाब नमुना संकलन गरिएको छ ।
जिल्लाको ७ वटै स्थानीय तहको क्वारेन्टाइनमा बसेकाहरुको पिसिआर विधिबाट कोरोना परीक्षण गर्नका लागि स्वास्थ्य कार्यालयले २०७ जनाको स्वाब संकलन गरेको होे ।
प्रदेश ५ सरकार मार्फत जिल्लामा प्राप्त २ भिटिएमबाट प्रत्येक पालिकामा २५ जनाको दरले पिसिआर विधिबाट कोरोना परीक्षण गर्ने उद्देश्यले स्वाब नमुना संकलन गरिएको स्वास्थ्य कार्यालय प्रमुख गौरब ढकालले जानकारी दिएका छन् ।
जिल्लामा सुनवल, रामग्राम, बर्दघाट गरि ३ नगरपालिका र पाल्हीनन्दन, सरावल, प्रतापपुर र सुस्ता गरि ४ गाउँपालिका रहेका छन् ।
बैशाख १७ गते सुवनल नगरपालिकाबाट स्वाब संकलन कार्य शुरु भएको थियो ।
स्वाब संकलन गर्न स्वास्थय कार्यालयबाट पिपिई लगाई उच्च सतर्कताका साथ खटिएको स्वास्थ्यकर्मीहरुको टोलीले स्वाब संकलन कार्य गरिरहेका छन् ।
पहिलो चरणमा स्वाब संकलन गर्दा क्वारेन्टाईनमा तथा विदेशबाट आएर होम क्वारेन्टाईन बस्ने र क्वारेन्टाईन बसेर घर फर्केकाहरुलाइ प्राथमिकतामा राखी स्वाब संकलन गरिएको कार्यालय प्रमुख ढकालले जानकारी दिएका हुन् ।
जिल्लाको क्वारेन्टाइन, होम क्वारेन्टाइन आइसोलेसनबाट गरि कुल ३ सय १६ जना क्वारेन्टाइनमा छन् ।
यहाँभन्दा पहिला क्वारेन्टाइनमा बसेका १७० जनाको आरडिटी परीक्षण गर्दा नेगेटिभ भेटिएर घर पठाइएको थियो ।
जिल्लामा संस्थागत क्वारेन्टाइनमा बस्ने र बसेर फर्केकासहित कुल २ सय ९० को तथ्याङ्क छ भने होम क्वारेन्टाईनमा बस्नेहरु ७ सय रहेका र अधिकांश छिमेकी राष्ट्र भारतबाट आएका स्वास्थ्य कार्यालयले जनाएको छ ।
संकलित स्वाब नमुना राष्ट्रिय जनस्वास्थ्य प्रयोगशाला टेकुमा पठाइने गरिएको स्वास्थ्य कार्यालयले जनाएको छ ।
सम्बन्धित खबर
अपाङ्गता भएकाहरुको माग बुझ्न मन्त्रालयको आँगनमा मन्त्री
ठूलो सपना देख्दिनँ, आवधिक योजना बनाएर काम गर्छु : स्वास्थ्यमन्त्री पाठक
पोखरा १५ मा स्वास्थ्य शिविर, २ सय बढी महिलाको स्वास्थ्य परीक्षण
सरकारी निकायहरूमा आधिकारिक भाषा प्रयोग, भाषिक पुनरुत्थान र भाषिक–सामाजिक न्याय विषयक गोष्ठी सम्पन्न
रूपा रिङरोड दोस्रो खण्डको शिलान्यास, ४७ करोडमा बन्ने
गण्डकीका भौतिक मन्त्रीको निर्देशन : गुणस्तरीय र समयमै काम गर्नू
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते