महेन्द्रनगर । कञ्चनपुर सदरमुकाम महेन्द्रनगरमा एक शिक्षकलाई कुटेर १४ हजार लुटिएको छ । कुटपिटमा बहालवाला प्रहरी नै संलग्न भएको स्थानीयले बताएका छन् । भीमदत्त नगरपालिकाको निम्बुखेडामा शनिबार साँझ युवाहरुको समूहले स्थानीय शिक्षक सोबेन्द्र रानामाथि आक्रमण गर्दै लुटपाट गरेको हो। प्रहरी नरबहादुर चन्द यसमा संलग्न रहेको भाइ बामदेव रानाले दाबी गरेका छन् ।
सिद्धनाथ अमर माध्यमिक विद्यालय गड्डाचौकीका शिक्षक रानालाई घरबाट पसलतर्फ गईरहेका बेला अपरिचित समूहले आक्रमण गरेको थियो । घाईते रानाको धनगढी स्थित माया मेट्रो अस्पतालमा उपचार भईरहेको छ। रानाको टाउको, घाटी र छातीमा गम्भीर चोट रहेको छ। आक्रमणमा संलग्न समूहले आफूसँग भएको नगद १४ हजार लुटेर लगेको रानाले बताएका छन् ।
जिल्ला प्रहरी कार्यालय कञ्चनपुरले कुटपिट र लुटपाटमा संलग्न चन्दलाई पक्राउ गरेको छ । चन्द पनि स्थानिय नै हुन् । उनी बहालवाला प्रहरी रहेको बुझिएको छ । चन्दमाथि किटानी जाहेरी दिएको रानाले बताए । ‘रक्षक नै भक्षक’ भएकोमा उनलाई ठूलो कारबाही गरिनुपर्ने स्थानियको माग छ ।
तस्विरः दिनेश खबर
सम्बन्धित खबर
रातदिन खटेर काम गर्नुपर्ने बेला भएको भन्दै विदेश भ्रमण नजान प्रधानमन्त्रीको निर्देशन
पोखरा-१५ मा विविध कार्यक्रमको आयोजना गरी धान दिवस मनाइयो
र्यान्डममा सुमिनाको ‘बागी स्त्रीको आत्मकथा’
पर्वत फलेवास–अर्मादी सडकखण्ड निर्माणमा ढिलासुस्ती
जनताले अनुभूत गर्ने गरी गणतन्त्रको कार्यान्वयन अपरिहार्यः प्रदेश प्रमुख भट्ट
‘सफल सादा दही’ पोखरा बजारमा उपलब्ध
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग