तनहुँ । तनहुँको दमौली रहेका ४० दैनिक ज्यालादारी परिवारलाई जेसिआई व्यासनगरले खाद्यान्न सहयोग छ । क्लबले व्यास नगरपालिकाको वडा नम्बर १, २, ३ र ४ का दैनिक ज्यालादारी परिवारलाई सहयोग गरेको क्लबका अध्यक्ष भरत कुमार श्रेष्ठले जानकारी दिए ।

त्यस्तै क्लबले भानु नगरपालिका वडा नम्बर ५ मा ५ हजार ५ सय बराबरको राहत प्रदान गरेको क्लबले जनाएको छ ।

राहत सामाग्रीमा चामल, नुन, तेल लगाएतका सामग्री रहेको थियो । पहिले वितरण गरेकोमा छुटेका र आवश्यक परेका परिवारलाई राहात वितरण गरिएको क्लबले जनाएको छ । सम्बन्धित वडाको सिफारिसमा व्यास नगरपालिकाको मापदण्ड भित्र रहेर रहात वितरण गरिएको क्लबका अध्यक्ष भारत कुमार श्रेष्ठले बताए ।

कार्यक्रम संचालन क्लबका महासचिव गणेश थापाले गरेका थिए भने कार्यक्रमका बारेमा क्लबका पुर्वअध्यक्ष सुरेश पुरीले बताएका थिए । उक्त राहत वितरणका लागि दमौली घर भई हाल अमेरिकामा रहेका सुमन पन्तले आर्थिक सहयोग गरेका थिए ।

कार्यक्रममा व्यास २ का वडाअध्यक्ष काशिराम श्रेष्ठ, व्यास ३ का वडाअध्यक्ष प्रेम कुमार श्रेष्ठ, व्यास २ का वडासदस्य राधिका परियार, क्लबका पुर्वअध्यक्ष र क्लबका पदाधिकारीहरुको उपस्थिति रहेको थियो ।

रक्तसन्चार केन्द्र दमौलीमा रगतको अभाव भएपछी जेसिआई व्यासनगरले गत वैशाख ६ गते रक्तदान कार्यक्रम आयोजना गरेको थियो । उक्त कार्यक्रममा ३० पिन्ट रगत संकलन भएको थियो ।

क्लब यसअघि स्थानिय तह संग समन्वय गरि विभिन्न स्थानमा रहात समेत वितरण गरेको थियो ।