गोरखा । गोरखाका ९ जना कोरोना संक्रमित निको भएर घर फर्किएका छन् । गोरखाको गण्डकी गाउँपालिका र गोरखा नगरपालिकामा गरि ९ संक्रमित निको भएर घर फर्केको निर्देशनालयले जनाएको छ ।

गण्डकी गाउँपालिकामा ५ पुरुष र गोरखा नगरपालिकामा ३ पुरुष, १ महिला गरि ९ जना निको भएर घर फर्केका हुन् । यो सँगै गण्डकी प्रदेशमा निको भएर घर फर्किनेको संख्या १०१ पुगेको छ ।

अहिलेसम्म गण्डकी प्रदेश २ जना कोरोना संक्रमितले ज्यान गुमाएका छन् ।

त्यस्तै गण्डकी प्रदेशमा आज २५ जना नयाँ संक्रमित थपिएका छन् । स्वास्थ्य निर्देशनालय गण्डकीका अनुसार प्रदेशका ४ जिल्लामा २५ नयाँ संक्रमित थपिएका हुन् ।

तनहुँमा २, स्याङ्जामा १, बागलुङमा १ र नवलपुरमा २१ गरि २५ नयाँ संक्रमित थपिएको निर्देशनालयले जनाएको छ ।

आज थपिएका संक्रमितमध्ये तनहुँको व्यास नगरपालिकामा २ पुरुष, स्याङ्जाको कालिगण्डकी गाउँपालिकामा २८ वर्षीय एक पुरुष र बागलुङको बरेङ गाउँपालिकामा २३ वर्षीय एक पुरुषमा कोरोना संक्रमण पुष्टि भएको छ ।

यसैगरि, नवलपुरको गैडाकोटमा ७ पुरुष, कावासोतीमा १२ पुरुष र २ महिलामा कोरोना पुष्टि भएको छ । यो सँगै गण्डकी प्रदेशमा कुल संक्रमितको संख्या ७९२ पुगेको छ ।

तनहुँका थप २ सहित गण्डकी प्रदेशका २५ जनामा कोरोना पुष्टि, संक्रमितको संख्या ७९२ पुग्यो