पोखरा – मंगलबार बिहानै पोखराका थप चार जनामा कोरोना पुष्टि भएको छ ।

स्वास्थ्य निर्देशनालयको भर्खर प्राप्त विवरण अनुसार क्षयरोग उपचार केन्द्रमा गरिएको पीसीआर परीक्षणमा पोखराका चार सहित गण्डकीमा थप आठ जनामा कोरोना पुष्टि भएको निर्देशनालयले जनाएको छ ।

संक्रमित मध्ये पोखरा महानगरका दुई जनाको वडा खुलेको छैन । उनीहरु ५० र २५ वर्षका महिला छन्। भने, पोखरा -६ का २३ र २८ वर्षका पुरुषमा कोरोना पुष्टि भएको छ ।

यस्तै नवलपुरको कावासोती नगरपालिका -२ का १४ वर्षीया बालिका सहित ३७ वर्षकी महिला, बाग्लुङ बरेङ गाउँपालिका -२ का २५ वर्षीया महिला र ६ वर्षीय बालकमा कोरोना पुष्टि भएको निर्देशनालयका प्रमुख डा. विनोद विन्दु शर्माले जानकारी दिएका छन् ।

संक्रमित आठै जनालाई अहिले सम्बन्धित जिल्लाको आइसोलेसन कक्षमा लैजाने तयारी भैरहेको छ ।

यो संगै गण्डकीमा कोरोना संक्रमितको कुल संख्या १७६४ पुगेको छ ।