कास्कीमा भदौ २ गते रातिदेखि जारी निषेधाज्ञा १२ गतेसम्म लम्बिएको छ । जिल्ला प्रशासन कार्यालय कास्कीले विज्ञप्ती जारी गर्दै पाँच दिनसम्म बन्द रहेको बैंक तथा बित्तिय संस्था अब सुरक्षित हिसाबले खोल्न दिने भएको छ । तर, सहकारी भने खोल्न पाइने छैन ।

थप गरिएको निषेधाज्ञाको समयमा न्युनतम कर्मचारीहरुको उपस्थितिमा जनस्वास्थ्य तथा सुरक्षाका मापदण्ड पालना गरी पूर्ण सावधानी अपनाएर सम्पूर्ण सरकारी कार्यालयहरु, अत्यावश्यक सेवा संचालन गर्ने कार्यालय तथा संस्थानहरु खोल्न पाइने प्रशासनको विज्ञप्तीमा उल्लेख छ ।

बैंक तथा वित्तीय संस्थाहरु सुरक्षित हिसाबले संचालन गर्ने सकिने बताएको छ । तर सहकारीहरु भने खुल्न नपाउने प्रशासनले जनाएको छ । औषधी पसलहरु लगाएत अन्य अत्यावश्यक सेवाहरु पनि सञ्चालन गर्न पाइनेछ । क्वारेन्टिनका लागि तोकिएका होटल बाहेकका सबै होटल तथा रेष्टुरेन्टहरु बन्द हुनेछन् ।

बिहान ५ देखि ८ र साँझ ५ देखि ७ बजे सम्मका लागि खाद्यान्न, तरकारी, फलफुल, माछा, मासु, दुध तथा डेरी जन्यका सेवाहरु पनि सञ्चालन गर्न पाइनेछ । हार्डवेयर भने दिनको २ घन्टा खोल्न पाइनेछ । हार्डवेयर साँझ ५ बजेदेखि ७ बजेसम्म मात्र खोल्न पाइनेछ ।