पोखरा – कास्की प्रहरीले अवैध जुवा तास खेलिरहेका ५ जनालाई नगद रु एक लाख छत्तिस हजार एक सय सत्तरी रुपैयाँ सहित पक्राउ गरेको छ ।

विशेष सुचनाका आधारमा वडा प्रहरी कार्यालय रामबजारबाट खटिएको प्रहरीको टोलीले पोखरा महानगरपालिका वडा नं -१४  खसीबजारबाट ५ जनालाई उक्त नगद रुपैयाँ सहित पक्राउ गरेको कास्कीका डिएसपी तथा प्रहारी प्रवक्ता सुवास हमालले जानकारी दिए ।

हमालका अनुसार पोखरा -१४ खसीबजार स्थित चन्द्र बहादुर श्रेष्ठको घरमा बस्ने जित बहादुर कुँवरले संचालन गर्दै आएको जित रियलस्ट्रिक एण्ड हाउजिङ प्रा.लिको कोठाबाट उनीहरु पक्राउ परेका हुन्  ।

पक्राउ पर्नेमा पोखरा -१३ मियाँपाटन बस्ने बर्ष ४२ का जीवन नेपाली, पोखरा -१३ बाझापाटन बस्ने बर्ष ३५ का ओम बहादुर नेपाली, पोखरा -१० रामबजार बस्ने बर्ष ५४ का देविलाल तिमिल्सिना, चितवन भरतपुर घर भइ हाल पोखरा -१४ बीपी मार्ग बस्ने बर्ष ४० का कृष्णहरी दवाडी र तनहुँ जिल्ला भिमाद नगरपालिका -२ घर भइ हाल पोखरा -१४ चाउथे बस्ने बर्ष ४० का ओम बहादुर आले रहेका छन् ।

पक्राउ परेका उनीहरु विरुद्ध आवश्यक कानुनी कारवाही अगाडी बढाइएको प्रहरीले बताएको छ ।