पोखराको रामबजार घर भएकी ९ वर्षीया बालिकालाई बलात्कार गरेको आरोपमा कास्की प्रहरीले एक जनालाई पक्राउ गरेको छ । उनलाई पाखरा ल्याएपछि घटनाबारे थप जानकारी प्राप्त हुने र सार्वजनिक गर्ने तयारी कास्की प्रहरीको छ ।

जिल्ला प्रहरी कार्यालय, कास्की श्रोतका अनुसार शुक्रबार नै बालिकाका परिवारले जाहेरी दिएको थियो । आरोपित व्यक्ति तत्काल फरार रहेकाले प्रहरीले यसबारे सूचना चुहावट नगरी अनुसन्धान तीब्र बनाएको थियो । अनुसन्धानका क्रममा बलात्कार आरोपी स्याङ्जामा लुकेर बसेको थाहा भएपछि त्यहाँको प्रहरीको समन्वयमा उनलाई पक्राउ गरिएको छ ।

अहिले स्याङ्जाबाट पोखरा ल्याईंदै गरेको जानकारी प्राप्त भएको छ । जाहेरी अनुसार बालिकालाई विगत ३ महिना बढी समयदेखि नै शारीरिक शोषण गर्दै आएका थिए । अभिभावक नभएका बेला उनले यस्ता हर्कत गर्थे ।

बालिकाका परिवारले बलात्कार गर्ने गरेको थाहा भएपछि कानुनी उपचार खोज्दै जब प्रहरी कहाँ पुग्यो, यसबारे थाहा हुनासाथ उनी पोखराबाट भागेको बताइएको छ । उनलाई पाखरा ल्याएपछि घटनाबारे थप जानकारी प्राप्त हुने र सार्वजनिक गर्ने तयारी कास्की प्रहरीको छ ।

थप विवरण आउन बाँकी …