Gandak News
Our News Your Views

उड्ने कारको सफल परीक्षण, सामान्य ड्राइभरले उडाउन सक्ने (हेरौं भिडियो)

युरोपियन राष्ट्र स्लोभाकियामा उड्ने कार अर्थात एयर कारको सफल परीक्षण सम्पन्न भएको छ । सडकमा चल्ने कार तीन मिनेटमै प्लेनको रुपमा परिवर्तित हुन्छ । परीक्षणको समयमा सो कार हावामा १५ सय फिट माथि सफलतापूर्वक उडेको थियो । यसको भिडियो फुटेज समेत सार्वजनिक गरिएको छ, जुन देख्दा सबैको मन चकित हुन्छ ।

स्लोभाकियाको क्लेनभिजन नामक कम्पनीले सो कार निर्माण गरेको हो । यसलाई सेल्फ ड्राइभ यात्रा गर्न वा एयर ट्याक्सीको रुपमा प्रयोग गर्न सकिने छ ।

अर्को वर्ष यो कारलाई व्यवहारिक रुपमा प्रयोगमा आएको देख्न सकिने छ । यद्यपि कम्पनीले कारको मूल्यको वारेमा भने केही जानकारी दिएको छैन ।

एयरकारले एक पटकमा ६२० किलोमिटर सम्म यात्रा गर्न सक्छ । कार प्लेनको रुपमा देखिएको छ भने यो निकै नै हलुका पनि छ । परीक्षण गरिएको सो एयर कार दुई सिटर छ र यसको तौल करिव ११ सय किलोग्राम छ ।

कारमा बीएमडब्ल्यु १.६ लिटर इन्जिन प्रयोग गरिएको छ, जसले १४० बीएचपीको पावर जेनेरेट गर्छ । कारलाई टेकअफ गर्नका लागि कमसेकम ९८४ फिटको रनवे चाहिन्छ ।

यसको अधिकतम गति २ सय किलोमिटर प्रतिघण्टा छ । कम्पनीका अनुसार कार उडाउन सामान्य ड्राइभरले पनि सक्छ । यसका लागि स्पेसल पाइलटको आवश्यकता पर्दैन । एजेन्सी/ नेपाल अटो

भिडियो:

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस