पोखरा । धादिङ घर भई पोखरामा बस्दै आएका जीतबहादुर तामाङ विहीबार दिउँसो सेती नदिमा हाम्फालेका छन् ।
जिल्ला प्रहरी कार्यालय कास्कीका अनुसार दिउँसो ३ बजेतिर ५० वर्षीय तामाङ पोखरा नदिपुरबाट मनिपाल जाने पुल (पूरानो) बाट सेतीमा हाम्फालेका हुन् ।
उनको धादिङको ठेगाना रुबीभ्याली गाउँपालिका वडा नं. ५ हो । तामाङ पोखरा ३ नदिपुर बस्दै आएका थिए ।प्रवक्ता डिएसपी सुवास हमालका अनुसार तामाङकै भाइ नाता पर्नेले हाम्फालेको जानकारी दिएपछि खोजी कार्य सुरु भएको र विहीबार साँझसम्म खोजी गर्दा समेत उनको अवस्थाबारे थाहा हुन सकेको छैन ।
खोजी कार्यमा नेपाल प्रहरीसँगै, सशस्त्र प्रहरी र नेपाली सेनाको टोली परिचालन भएको थियो । वडा प्रहरी कार्यालय बगरबाट ईन्स्पेक्टर मुक्तिनाथ सापकोटाको कमाण्डमा ७ सदस्यीय टोली र त्यसपछि भगवती दल गण फुलबारीबाट मेजर नेत्र बहादुर नेपालीको कमाण्डमा २५ जना सेना टोली, कालिका सशस्त्र प्रहरी गणबाट ईन्स्पेक्टर लप्सन तामाङको कमाण्डमा ११ जनाको टोली खोजीमा जुटेका थिए ।
सेतीमा पानीको मात्रा कम भएकाले बगाएर लैजाने सम्भावना नभएकाले ढुंगाहरुको बीचमा अड्किएको हुन सक्ने उद्धार टोलीका सदस्यले जनाएका छन् ।
सम्बन्धित खबर
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
बुद्ध जयन्तीमा याङ्जाकोटमा मेला हुने
त्रिभुवन पौडेल स्मृति अक्षयकोषको लागि मञ्च गण्डकीको सहयोग
श्रमको सम्मान नगर्नेहरू असभ्य नागरिक हुन्: मुख्यमन्त्री अधिकारी
कास्कीलाई सडक मानवमुक्त जिल्ला मनाइने
गण्डकीमा खगराज सरकारलाई साथ दिन राप्रपा सकारात्मक
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग