पोखरा – कास्की प्रहरीले लागु औषधसहित दुई जनालाई पक्राउ गरेको छ ।

पक्राउ पर्नेमा धादिङ जिल्ला स्थायी घर भई हाल पोखरा महानगरपालिका – १७ छोरेपाटन बस्ने वर्ष २९ को दिपक थापा र सोही स्कुटरको पछाडी सवार पोखरा – २१ स्थायी बसोबास भई हाल पोखरा – १७ छोरेपाटन बस्ने वर्ष २७ का सन्तोष सुवेदी रहेका छन् ।

कास्कीका प्रहरी नायव उपरीक्षक तथा प्रहरी प्रवक्ता सुवास हमालका अनुसार बिहीबार राती अन्दाजी  ८ : ३० बजेको समयमा पोखरा -३० गगनगौंडास्थित ईलाका प्रहरी कार्यालय शिसुवा डाँडाकोनाकबाट खटिएको प्रहरीको टोलीले चेकजाँच गर्ने क्रममा ग १७ प ५५८४ नम्वरको स्कुटरबाट  डाईजापाम ३७ एम्पुल, फेनरागन ३७ एम्पुल, नुर्फिन ३७ एम्पुल गरी जम्मा १११ एम्पुल सहित दुई वटा मोवाईल र नगद नौ हजार तिन सय दश रुपैयाँ वरामद गरेको हो ।

हाल प्रहरी नियन्त्रणमा रहेका उनीहरुलाई लागुऔषध सम्बन्धी कसूर अन्तर्गत थप अनुसन्धान कार्य अगाडी बढाईएको प्रवक्ता हमालले जानकारी दिए ।