पोखरा । पृथ्वीनारायण क्याम्पसमा बिएससी-सिएसआइटी अध्ययनरत विद्यार्थीहरु कुटिएका छन् । क्याम्पसमा अध्ययनरत दुई विद्यार्थी राम अधिकारी र प्रभात लामिछाने घाइते भएका छन् । एकजनाको खुट्टा भाँचिएको र अर्कोको हात लगायतका ठाउँमा चोट लागेको छ ।

बिएससी-सिएसआइटी अध्ययनरत विद्यार्थीहरुरुले आफ्ना शैक्षिक मागहरु सम्बोधन नभएपछि तालाबन्दी गर्न खोज्दा क्याम्पस प्रशासन र विद्यार्थीहरुबीच छलफल चलिरहकै बेला एक्कासी बाहिरिया गुण्डाहरु हक्की ब्याट र रड बोकी विद्यार्थीमाथि जाइलागेको पीडित विद्यार्थीहरु बताउँछन् ।

भिडियोः टिकटकबाट

यस घटनामा माधव नेपाल पक्षका अनेरास्ववियु विद्यार्थीले भने ओली पक्षीय अनेरास्ववियुका विद्यार्थीहरु संलग्न भएको आरोप लगाएको छ ।

माधव नेपाल पक्ष अनेरास्ववियु, कास्की जिल्ला कमिटि अध्यक्ष बज्रराज अधिकारी र पृथ्वीनारायण क्याम्पसका कार्यवाहक अध्यक्ष सन्तोष न्यौपानेले विज्ञप्ती निकालेर केपी ओली समूहले विद्यार्थी माथि हतियार प्रहार गरेको र कुटपीटमा संलग्नलाई कारबाहीको माग गरेका छन् ।

बिएससी-सिएसआइटी अध्ययनरत विद्यार्थीहरुले शुल्कमा मा छुट, लाइब्रेरीको उचित व्यवस्थापन, अनलाइन कक्षाका विषयमा क्याम्पस प्रशासन समक्ष लगातार माग गरिरहेको सन्दर्भमा माग पूरा नभएपछि तालाबन्दी गर्ने क्रममा केपी ओली समूहका विद्यार्थीहरु र बाहिरका व्यक्तिहरु ल्याएर आक्रमण गरेको विज्ञप्तीमा उल्लेख छ ।

घाइते विद्यार्थीद्वयको गण्डकी मेडिकल कलेज, पृथ्वीचोकमा उपचार भैरहेको विज्ञप्तिमा जनाइएको छ ।

यसैबीच, माधव पक्षका विद्यार्थीले ओली पक्ष विद्यार्थीहरु घटनामा हतियारसहित संलग्न भएको आरोप लगाइरहँदा ओली पक्षीय विद्यार्थीहरुले भने यसबारे केही बोलेको छैन ।

थप सामाग्रीः

आन्दोलनमा राजनीति जोडिएकोमा विद्यार्थीहरुको गम्भिर ध्यानाकर्षण

एशोसियसन अफ सिएसआईटी स्टुडेण्ट, पृथ्वीनारायण क्याम्पसले एक विज्ञप्ति जारी गर्दै आन्दोलनलाई राजनीतिक संगठनसँग लगेर जोडिएकोमा गम्भिर ध्यानाकर्षण भएको जनाएको छ । आन्दोलन सिएसआईटी विद्यार्थीहरुले नै आयोजना गरेको सम्पूर्णमा जानकारी गराउँदै आन्दोलनमा केही व्यक्तिहरुद्वारा हस्तक्षेप भएको प्रति घोर आपत्ति जनाइएको छ ।

अध्यक्ष रुपक बास्तोलाले जारी गरेको विज्ञप्ति यस्तो छ: