काठमाडौँ । नेपाली कांग्रेसका रामचन्द्र पौडेल पक्षका नेताहरूले सभापति एवं प्रधानमन्त्री शेरबहादुर देउवालाई भेटेका छन् ।

बिहान बालुवाटारमा भएको भेटमा महाधिवेशनलाई धाँधलीरहित र निष्पक्ष बनाउन देउवाको ध्यानाकर्षण गराएको जनाइएको छ ।

देउवालाई भेट्न महामन्त्री डा. शशांक कोइराला, नेताहरू प्रकाशमान सिंह, अर्जुननरसिं के.सी, डा. मिनेन्द्र रिजाल र जीवन परियारसहितको टोली बिहान बालुवाटार पुगेका थिए ।

भेटमा पार्टीको महाधिवेशनमा पुलिस र प्रशासनको दुरुपयोग हुन नपाओस् भनेर ध्यानाकर्षण गराएको पौडेलले सामाजिक सन्जालमार्फत् जानकारी दिएका छन् ।

देउवालाई भेटेपछि पौडेलले समाजिक सन्जालमा लेखेका छन्, ‘पार्टीका कृयाशील सदस्यहरुको छानविन निश्पक्ष र पारदर्शी ढंगले सम्पन्न होस् र पार्टीको महाधिवेशनमा राज्यको पुलिस र प्रशासनको दुरुप्रयोग हुन नपाओस् भनेर ध्यानाकर्षण गरायौं ।’