पोखरा । उच्च शिक्षा अध्ययनका लागि विदेश जान चाहने विद्यार्थीलाई लक्षित गरी पोखरामा एजुकेसन फेयर हुने भएको छ । शैक्षिक परामर्श दिँदै आएको पोखरा चिप्लेढुंगा स्थित विश्वसनीय संस्था थर्ड आई एजुकेशनले विद्यार्थीका लागि यो अवसर प्रदान गरेको हो ।

फेयर थर्ड आई एजुकेशन रहेकै द्वा कम्प्लेक्स भवनमा आयोजना हुनेछ । एक दिने फेयर पुस ९ गते शुक्रबार बिहान १० बजेदेखि ४ बजेसम्म हुनेछ । सहभागीलाई प्रवेश निःशुल्क छ । मूख्यतः स्कलरशीप गिफ्ट ह्याम्पर लगायतका विशेष अफर पनि छन् ।

फेयरमा विशेष गरी अष्ट्रेलिया, यूएसए, यूके र क्यानडा पढ्न जान चाहने विद्यार्थीलाई काउन्सिलिङ गरिने संस्थाका प्रबन्ध निर्देशक प्रकाश गैरेले जानकारी दिए। ‘कोरोना महामारीले सिर्जित दुरावस्थाले २ वर्ष विश्वलाई आहत बनायो । अब उच्च शिक्षा तथा रोजगारीका लागि अन्तर्राष्ट्रिय ढोकाहरु खुलिसकेका छन् । यही उचित समयलाई सदुपयोग गर्दै विद्यार्थीका लागि परामर्श दिने हेतुले फेयरको आयोजना गरेका हौं ।’ – गैरेले भने ।

फेयरमा सम्बन्धित देशका शिक्षा प्रणाली, परिवर्तिन नीति, कलेज तथा युनिभर्सिटीका कोर्षहरुबारे बुझ्न पनि सकिनेछ । पहिले वैदेशिक शिक्षा सम्बन्धी पोखरामा वर्षेनी संचालित मेलाबाट विद्यार्थी र अभिभावक लाभान्वित भएपछि अहिले हुन छाडेका छन् । विद्यार्थीहरुले उचित थलो नपाईरहेको यो बेला थर्ड आईले फेयर आयोजना गरेको हो ।

पछिल्लो समयमा उच्च शिक्षा अध्ययनका लागि विदेशी युनिभर्सिटीतर्फ आकर्षण र चासो बढिरहेको सन्दर्भमा यस फेयरमा यी चार देशका युनिभर्सिटीकै प्रतिनिधि आएर विद्यार्थी र उनीहरुका अभिभावकसँग प्रत्यक्ष परामर्श दिनेछन् । यस फेयरले विदेशमा अध्ययन गर्नका लागि विद्यार्थीले सही सूचना र जानकारी प्राप्त गर्ने अपेक्षा थर्ड आईले लिएको छ ।

युनिभर्सिटीकै प्रतिनिधिसँग आफैले सिधै कुरा गरी सही विश्वविद्यालय छनौट गर्ने मौका भएकाले पनि यस फेयरमा विद्यार्थीको उल्लेख्य सहभागिता रहनेमा आयोजक ढुक्क छ । एकै थलोबाट चार देशका १५ बढी युनिभर्सिटी बारेमा बुझ्न र अध्ययनका लागि जानुपूर्व गर्नुपर्ने सम्पूर्ण प्रक्रियाका सवालमा सहयोग लिन विद्यार्थीहरुलाई थर्ड आई उचित स्थान रहेको गैरे बताउँछन् । ‘चार देशका प्रशिद्ध युनिभर्सिटीका प्रतिनिधिहरुसँग सोझै परामर्श गरी स्कलरशीप समेत पाउन सक्ने अवस्था हुनेछ । आईएलटीएस र पीटीई गर्नेलाई क्यास ब्याकको अफर पनि छ ।’ – उनले भने ।

चिप्लेढुंगामा रहेर दशक अघिदेखि शैक्षिक परामर्श र विद्यार्थीलाई अध्ययनका लागि विदेश पठाउन सहयोग गर्दै आएको थर्ड आई एजुकेशनको वीरेन्द्रनगर (सुर्खेत), काठमाण्डौ र नयाँ दिल्ली (भारत) मा पनि शाखा छ ।

थर्ड आईले विशेषतः आईएलटिएस, टोफल, जिआरई, जिम्याटका कोर्सहरु पनि सञ्चालन गर्दै आएका छ । फ्रि एजुकेशनका बारेमा परामर्श दिने मूख्य संस्था पनि हो ।