पोखरा । गण्डकी प्रदेश सरकारका अर्थ मन्त्री रामजी प्रसाद बरालजीवनले कृषिर पर्यटनबाटै कास्की मादी गाउँपालिकाको जिवन स्तर उकास्न सकिने बताएका छन् । कास्कीको मादी गाउँपालिका वडा नम्बर ११ स्थित खिमाजेमा नव बर्षको अवसरमा आयोजित रमाइलो मेलाको एक समारोहका बिच बिहीबार उद्घाटन गर्दै उक्त कुरा बताएका हुन् ।

प्रतिभा माछापुच्छ्रे युवाक्लवको २२ औं बार्षिकोत्सवको अवसरमा आयोजित उक्त मेलाको उद्घाटन समारोहमा बोल्दै मन्त्री बरालले मादी गाउँपालिका कृषि र पर्यटनमा धेरै सम्भावना भएकोले गर्दा स्थानियको जीवन स्तर उकास्न विकासको पहिलो आधारमा कृषि र पर्यटन हुने दाबी गरेका हुन् । गण्डकी प्रदेशको राजधानि पोखरा मादी गाउँपालिका नजिक भएकोले पनि मादीमा उत्पादीत बस्तु र पोखरा आएका पर्यटकहरुलाई मादीसम्म लैजाने आवश्यक पूर्वाधार निर्माणमा प्रदेश सरकारले पहलगर्ने उनको भनाई थियो । माओबादी केन्द्रका नेता समेत रहेका मन्त्री बरालले माओबादीको नितीमा देश चले पनि त्यसको कार्यान्वयनको लागि नेतृत्व गर्न आवश्यक भएको बताए ।

मध्य पहाडी लोकमार्गले गर्दा पनि मादीको विकासमा थप सहज भएको बताउदै मन्त्री बरालले मादीको बस्तीहरु सम्म सडक संजाल पुराउन सके गाउँको बस्तीलाई समेत रोक्न सकिने बताए । क्लव स्तरिय भलिवल तथा भलिवल कोर्टको समेत उद्घाटन गर्दै मन्त्री बरालले नेपालले विश्वका शक्तिशाली देशलाई खेलबाट पराजित गर्न सक्ने भएकोले खेललाई महत्व दिनुपर्ने बताए ।

क्लवका अध्यक्ष चलचित्र गुरुङको अध्यक्षतामा सम्पन्न भएको उद्घाटन सत्रमा क्लवका संस्थापक तथा मार्दी गाउँपालिका वडा नम्बर ११ का वडा अध्यक्षमित्रबहादुर गुरुङ लगायतले बोलेका थिए ।

यसैबिच शनिबार सम्म चल्ने पुरुष भलिवल प्रतियोगिता अन्र्तगत बिहीबार ४ खेलहरु सम्पन्न भएको क्लवले जनाएको छ । स्थानिय भावना युवा क्लवलाई बराल डाँडा युवा क्लवले सोझो सेटमा पराजित गर्यो भने अर्को खेलमा नव बुद्ध युवा क्लवले आयोजक प्रतिभा माछापुच्छ्रे बीलाई पराजित गर्यो । त्यसै गरी आयोजक प्रतिभा ए को समुहले भगवतीटार युवा क्लवको टोलीलाई सोझो सेटमा पराजित गर्दा अर्को खेलमा भने माछापुच्छ्रे युवा क्लवले लम्तरी युवा क्लवलाई सोझो सेटमा पराजित गरेको हो । उक्त प्रतियोगितामा २२ टिमको सहभागिता रहेको अध्यक्ष गुरुङले बताए । प्रतियोगिताका विजेताले ५५ हजार ५ सय दोश्रो पुरस्कार भने ३५ हजार ५ सय रुपैया रहेको क्लवले जनाएको छ ।