गोरखामा जन्ती बोकेको जीप दुर्घटना हुँदा तीन जनाको मृत्यु

गोरखामा जन्ती बोकेको जीप दुर्घटना हुँदा तीन जनाको मृत्यु

accident

गोरखा । गोरखामा जन्ती बोकेको जीप दुर्घटना हुदाँ तीन जनाको मृत्यु भएको छ ।

सिरानचोक गाउँपालिका–४ आरुबोटे स्थित फिरफिरेमा सोमबार बेलुका बा १४ च ७८१ नम्वरको स्करपिओ जीप रोकिराखेको अवस्थामा एक्कासी गुडेर दुर्घटना भएको हो ।

दुर्घटनामा परी मृत्यु हुनेमा काठमाडौँ महानगरपालिका– १६ का ४५ वर्षीय पदम न्यौपाने, गोरखाको बारपाक सुलिकोट गाउँपालिका–५ चनौटेका ५० वर्षीय देवीप्रसाद पोखरेल र नवलपरासीको कावासोती नगरपालिका–१४ का ८० वर्षीय उत्तरकुमार सिग्देल रहेका छन् ।

जन्ती बोकेर गोरखाबाट चितवन फर्कने क्रममा तीन जना यात्रु चढिसकेपछि अन्य दुई जनालाई चढाउनका लागि सहयोग गर्न जीप चालक सिट बाहिर ओर्लिएका बेला ओरालोमा रोकिराखेको जीप पछाडि सर्दै फिरफिरे भिरबाट करिव दुई सय मिटर तल खसेको प्रहरीले जनाएको छ ।

जीप चालक भरतपुर महानगरपालिका १८ धर्मपुरका घनश्याम लामिछानेलाई प्रहरीले पक्राउ गरेको छ । मृतकको शव पोस्टमार्टमका लागि गोरखा अस्पतालमा ल्याइएको छ ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds