गोरखा । गोरखाको गण्डकी गाउँपालिका–७ घ्याल्चोकको ज्ञानमार्ग माविको मतदान केन्द्र ‘ख’ मा तनाव भएपछि प्रहरीले हवाई फायर गरेको छ।
मत खसाल्ने क्रममा नेपाली कांग्रेस र नेकपा माओवादी केन्द्रका कार्यकर्ताबीच झडप भएपछि स्थिति नियन्त्रणमा लिन प्रहरीले हवाइ फायर गरेको हो।
झडपका क्रममा मतदानस्थलको बार पनि भत्किएको छ। विवाद पछि झण्डै एक घण्टा मतदान स्थगित भएको थियो । सर्वदलिय बैठकले विवाद मिलाएपछि केहीबेर अघिबाट मतदान प्रक्रिया सुचारु भएको छ।
अहिले सेना घटनास्थलमा जाँदै गरेको जिल्ला प्रहरी कार्यालय गोरखाले जनाएको छ।
