गोरखामा ग्यास सिलिण्डर विस्फोट, ६९ वर्षीया वृद्धाको मृत्यु

गोरखामा ग्यास सिलिण्डर विस्फोट, ६९ वर्षीया वृद्धाको मृत्यु

aagalagi

गोरखा । गोरखामा खाना पकाउने ग्यास सिलिण्डर विस्फोट भएर आगलागी हुँदा एक वृद्धाको मृत्यु भएको छ।

सहिद लखन गाउँपालिका–७ जामुनेकी ६९ वर्षकी केशरीमाया वस्तीको आगलागीमा परेर शुक्रबार राति मृत्यु भएको हो।

घटना शुक्रबार राति भए पनि शनिबार बिहान मात्र स्थानीयवासीले घटनाका बारेमा जानकारी पाएका थिए। एकान्तमा रहेको घरमा वस्ती एक्लै बस्दै आएको स्थानीयवासीको भनाइ छ।

आगलागीबाट घरमा रहेका सम्पूर्ण सामग्रीसमेत जलेर पूर्णरूपमा नष्ट भएको छ। विस्फोटपछि भएको आगलागीबाट घर पूर्णरूपमा क्षति भएको छ भने महिलाको शरीर पूरै जलेको अवस्थामा फेला परेको प्रहरीले जनाएको छ।

घरभित्र प्रयोग गर्दै आएको ग्यास सिलिण्डरसमेत विष्फोट भएको अवस्थामा फेला परेकाले ग्यास सिलिण्डर विस्फोटपछि आगलागी भएको प्रहरीको अनुमान छ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds