मनाङ । हिमाली जिल्ला मनाङको चामे गाउँपालिकाले आगामी आर्थिक वर्ष २०७९/८० का लागि ३१ करोड ३७ लाख ७४ हजार रुपैयाँको बजेट विनियोजन गरेको छ ।

बसपार्क र उद्योगग्राम निर्माणसहितको पूर्वाधार निर्माणलाई प्राथमिकतामा राखेर गाउँपालिकाका उपाध्यक्ष मिङमार ढोमा लामाले बजेट सार्वजनिक गरेका छन् । गाउँपालिकाले चालु खर्चतर्फ १० करोड १४ लाख ९७ हजार रुपैयाँ विनियोजन गरेको छ । पुँजीगत खर्चतर्फ २१ करोड २२ लाख ७७ हजार रुपैयाँ विनियोजन गरिएको छ ।

चालु खर्चमा सङ्घ सरकारबाट राजस्व बाँडफाँटतर्फ रु चार करोड ३७ लाख ९९ हजार रुपैयाँ, सशर्त अनुदानतर्फ पाँच करोड ४४ लाख रुपैयाँ विनियोजन गरिएको छ । चालु खर्चमा प्रदेश सरकारबाट राजस्व बाँडफाँटतर्फ छ लाख ४८ हजार, गाउँपालिकाको आन्तरिक आयतर्फ २६ लाख ५० हजार रुपैयाँ विनियोजन गरिएको छ ।

पुँजीगत खर्चमा सङ्घीय सरकारबाट समानीकरण अनुदानतर्फ सात करोड १३ लाख रुपैयाँ, सशर्त अनुदानतर्फ दुई करोड ७० लाख रुपैयाँ, समपुरक अनुदान (विपद् व्यवस्थापन) तर्फ मस्र्याङ्दी नदी र ठाडो खोलामा ९तटबन्ध० तर्फ रु एक करोड ७० लाख, अन्य अनुदानतर्फ रु दुई करोड ९६ लाख ५७ हजार विनियोजन गरिएको छ ।