पोखरा । युवा पुस्ताका चर्चित गायक विपुल क्षेत्रीले पोखरा तताउने भएका छन् ।

पोखरा महानगरपालिका वडा नं. १८ खपौंदी ह्याप्पी भिलेज-२ स्थित काल्म पोखरामा क्षेत्रीको कन्सर्ट हुनेछ । कार्यक्रम आज साँझ ७ बजेबाट शुरु हुने बताइन्छ । टुबोर्ग बियरको प्रस्तुतिमा कार्यक्रम हुन लागेको हो ।

गायक क्षेत्रीलाई शैलु राई एण्ड दी अफिसर्सले साथ दिनेछन् । क्षेत्रीले ‘सिन्डीकेट’ ‘डँढेलो’, ‘मन’, ‘राम साईंली’ लगायतका थुप्रै गीत प्रस्तुत दिने आयोजकले जनाएको छ । कार्यक्रम सञ्चालन यकीन गुरुङ र नीशा गुरुङले गर्नेछन् । भारतको कालिम्पोङमा जन्मिएका क्षेत्रीले सन् २०१४ मा रिलिज भएको सांगीतिक एल्बम ‘स्केच अफ दार्जिलिङ’ बाट करिअर थालेका थिए । उनका सन् २०१६ मा ‘माया’ र सन् २०२१ मा ‘समय’ एल्बम रिलिज भएको थियो । वसन्त, गहिरो गहिरो, आशिष, टिस्टा र मुग्लान उनका हिट गीत हुन् ।

कार्यक्रमका लागि कलाकारको व्यवस्थापनमा के गरिरा?, टिकेटिङ पार्टनरमा इ-सेवा, हस्पिटालिटी पाटर्नरमा होटल किंग्स, प्रिन्टिङ पाटर्नरमा बाराही प्रिन्टर्स रहेको छ भने चिभास ह्वीस्की, जेम्सन ह्वीस्की, एब्सुलुट भोड्का र ज्याक्व्स क्रिक वाइनले सहयोग गरेका छन् । काल्म पोखराका इभेन्ट म्यानेजर शितल शर्माले भारतमा बसेर नेपाली संगीतलाई विश्वभर चिनाउन सफल गायक विपुल क्षेत्रीलाई पोखरा भित्र्याएर पोखरेलीलाई भरपूर मनोरञ्जन दिलाउन खोजिएको बताए ।