Gandak News
Our News Your Views

नुवाकोटमा आमाछोरीको हत्या, एक जना पक्राउ

नुवाकोट । नुवाकोटमा धारिलो हतियार प्रयोग गरी आमाछोरीको हत्या भएको छ।

दुप्चेश्वर गाउँपालिका–५ भङ्गेरीमा सोमबार साँझ धारिलो हतियार प्रयोग गरेर २० वर्षीया सम्झना पाण्डे (खतिवडा) र उनको छोरी तीन वर्षीया कृष्टिना खतिवडाको हत्या भएको जिल्ला प्रहरी कार्यालय नुवाकोटले जनाएको छ।

धारिलो हतियार प्रयोग गरेर घाँटीसहित शरीरको विभिन्न अङ्गमा गहिरो चोट पुर्‍याएर उनीहरुको हत्या गरेको अवस्थामा घरको आँगनमा आमा र पिँढीमा छोरीको शव साँझ ७ बजे भेटिएको थियो।

हत्यामा संलग्न रहेको अभियोगमा प्रहरीले आज बिहान एक जनालाई पक्राउ गरेको छ।

पक्राउ पर्नेमा सोही स्थानका २१ वर्षका पुष्कल भनिने सोनम तामाङ रहेका छन्।

प्रहरीका अनुसार ती व्यक्ति घरेलु हतियारसहित उक्त घरतर्फ गएको, घटनास्थलमा उनले बोकेको घरेलु हतियार र उनको चप्पल भेटिएको छ।

घटनालगत्तै उनी फरार रहेको पाएपछि काठामाडौँतर्फ जान लागेको समयमा आज बिहान पक्राउ गरेर प्रहरीले जनाएको छ।

लोड हुँदै ...