पोखरा । लेखनाथ पत्रकार मञ्चद्वारा स्थापित लेखनाथ पत्रकारिता पुरस्कार यस वर्ष पत्रकार सरिता तिम्सिना पंगेनीलाई प्रदान गरिने भएको छ । पुरस्कारका लागि संयाेजक कविराज खनाल, लेखनाथ उद्योग वाणिज्य संघका अध्यक्ष छत्रधर आत्रेय, पाेखरा महानगरका प्रतिनिधि राममणि अधिकारी, पूर्व सम्मानित व्यक्तित्व वासुदेव पौडेल, भीमपाणि बराल, सल्लाहकार महेश्वर पाण्डे र मञ्चका सचिव विष्णुहरि पौडेल रहेको छनौट समितिले उनलाई छनौट गरेकाे हो ।

नेपाल पत्रकार महासंघका केन्द्रीय सदस्य एवम् कानुन विभाग प्रमुख समेत रहेकी तिम्सिना पोखरा पोष्ट डटकममा प्रधान सम्पादकका रुपमा रहेकी छन् । पत्रकारिताका माध्यमबाट लेखनाथ क्षेत्रको समृद्धि र विकासमा योगदान पु¥याएको भन्दै उनलाई सम्मान गर्ने निर्णय गरिएको हो ।
उनले सगरमाथा टेलिभिजन, पोखरा आवाज राष्ट्रिय दैनिक, रेडियो अन्नपूर्ण, रेडियो सफलता लगायतका सञ्चार माध्यममा अनुभव सँगालिसकेकी छन् ।

पत्रकारिता विषयमा स्नातकोत्तर एवम् कानुन विषयमा स्नातक सम्मको अध्ययन गरेकी तिम्सिना नेपाल प्रेस युनियनका पूर्व केन्द्रीय सदस्य, डब्लुडब्लुजे गण्डकी अध्यक्ष, अनलाइन पत्रकार संघ गण्डकीको संस्थापक उपाध्यक्ष लगायतको जिम्मेवारीमा रहेकी छन् ।

उनी नेपाल पत्रकार महासंघ कास्की शाखाद्वारा संचालित मिना गुरुङ सिर्जनशील पत्रकारिता पुरस्कार -२०७३, एन एस क्लब ललितकला पत्रकारिता पुरस्कार -२००७५, चेलिबेटी शसक्तिकरण सम्मान -२०७८, स्वतन्त्र पत्रकार संघद्वारा संचालित महिला पत्रकार शसक्तिकरण सम्मान -२०७९ वाट सम्मानित भईसकेकी छन्।

२०७३ सालदेखि निरन्तर ११ हजार १११ रुपैयाँ राशि सहित प्रदान गरिने यो पुरस्कार यस अघि मेघराज आचार्य, रामप्रसाद तिमिल्सेना, बसन्तराज अधिकारी, वासुदेव पौडेल, परशुराम शर्मा र भीमपाणि बरालले पाइसकेका छन् ।

कविशिराेमणी लेखनाथ पाैडेलकाे जन्म जयन्तीका अवसरमा पुस १५ गते अर्घाैअर्चलेमा हुने समारोहमा उनलाई पुरस्कृत गरिने कार्यक्रम रहेको लेखनाथ पत्रकार मंचका अध्यक्ष कविराज खनालले जानकारी दिए।