पोखरा । प्रत्येक वर्ष माघ शुक्ल पञ्चमीका दिन मनाइने ‘श्रीपञ्चमी’ पर्व विहीबार देशभर मनाइएको छ । पाेखराको पालिखेचोकस्थित प्रतिभा माविमा पनि विहीबार पूजा–आराधना गरी भव्य रुपमा श्रीपञ्चमी पर्व मनाईएको छ ।
प्रतिभा माविका संस्थापक प्राचार्य किरण सापकोटाका अनुसार विद्यालयमा विहीबार बिहानदेखि पूजा–आराधना गरिएको थियो । देवी सरस्वतीको स्वरुपमा सजिएर विद्यार्थीहरुले विद्यालयमा पूजाआजा गरेका थिए । विद्यार्थी सहित विद्यालयका शिक्षक शिक्षिका, अभिभावक पनि पूजा–आराधनामा सहभागी भएका थिए ।
विद्या र सिर्जनाकी देवी भएकाले विशेष गरी विद्यार्थीले आआफ्ना कला साधनाका वस्तु कापिकलम, कुची र वाद्ययन्त्र लाई सरस्वतीका रुपमा पूजा गर्ने चलन रहेको छ । यो दिन सरस्वतीको पूजा गरी विद्यारम्भ गरेमा सर्वसिद्धि प्राप्त हुन्छ भन्ने विश्वास रहेकोले अभिभावकले विद्यालय जान सक्ने उमेरका बालबालिकालाई शिक्षणसंस्थामा लगेर अक्षरारम्भ गराएको प्राचार्य सापकोटाले बताए ।
विद्यार्थीलाई विद्यारम्भ गराउने बाहेक यस दिन बालबालिकाको नाक–कान छेड्न पनि शुभ मानिन्छ । सूर्य उत्तरतिर लागि दिन लामो हुने र वसन्त ऋतु प्रारम्भ हुने विश्वासका साथ यो दिनलाई ‘वसन्त पञ्चमी’ पनि भनिन्छ । विद्यालयले हरेक वर्ष यो दिन कार्यक्रम गर्दै आएको उनले बताए ।
सम्बन्धित खबर
अर्जुनचौपारीमा नि:शुल्क बाल स्वास्थ्य शिविरमा ३११ जना लाभान्वित
पोखरा १७ वडाबासीको सित्तैमा रक्त जाँच
‘नेपाली भाषा जोगाउने दायित्व शिक्षकहरूको काँधमा’
मुख्यमन्त्री अधिकारीद्वारा पोखरा १६ मा निर्मित पूल तथा सडकको उद्घाटन
एमाले बिना मुलुकको समृद्धि र विकास सम्भव छैन: उपमहासचिव गुरुङ
तनहुँमा पौडी खेल्ने क्रममा डुबेर दुई युवकको मृत्यु
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग