पोखरा । रिलायबल नेपाल लाइफ इन्स्योरेन्स लि. गण्डकी प्रदेशको आयोजनामा वृहत बीमा जागरण गण्डकी–धौलागिरी कार्यक्रम पाेखरामा सम्पन्न भएको छ ।

कार्यक्रममा प्रमुख अतिथि रिलायबल नेपाल लाइफ इन्स्योरेन्स लि। का मुख्य प्रबन्धक शैलेन्द्र श्रेष्ठले रिलायबल नेपाल लाइफले हासिल गरेका उपलब्धि तथा विभिन्न गतिविधिहरुका बारेमा प्रष्ट पारेका थिए ।

कार्यक्रमका विशेष अथिति वरिष्ठ हाँस्यकलाकार मनोज गजुरेलले सहभागीहरुलाई भरपुर मनोरञ्जन दिनुका साथै रिलायबल जीवन बीमा सम्बन्धमा जानकारी गराए । करिब ३५० जनाको उपस्थिति रहेको उक्त कार्यक्रममा विविध प्रतिभा प्रस्फुटन गर्ने क्रममा अभिकर्ता ध्रुव बिपस्वीले पनि आफ्नो गजलद्वारा सहभागीहरुलाई थप मनोरञ्जन दिएका थिए । रिलायबलका ट्रीपल एम डी आर टि मीन बहादुर गुरुङ तथा सिनिएर एजेन्सी मेनेजर एसिएन रोका मगरले आ–आफ्नो व्यवसाय सफलताका अनुभवहरु प्रस्तुत गरेका थिए ।

रिलायबल नेपाल लाइफ इन्स्योरेन्स लि.गण्डकी प्रदेश प्रमुख सरोज अधिकारीको अध्यक्षतामा भएको कार्यक्रमको सञ्चालन पोखरा शाखा प्रमुख सूर्य सुमन थापाले गरेका थिए । सम्पूर्ण सहभागीहरुलाई स्वागत गर्दै गण्डकी प्रमुख श्रेष्ठले यस्ता कार्यक्रमहरुले व्यवसाय प्रबर्द्धनमा उल्लेख्य उत्प्रेरणा जगाउने कुरामा दुइमत नरहेको बताए ।