काठमाडौं। प्रधानमन्त्री पुष्पकमल दाहाल प्रचण्डले संसदमा बोल्दै पशुपतिमा जलहरी लगाउँदा अनियमितता भएको विषयमा प्रतिपक्षी दलका नेतालाई जोड्न उचित नहुने बताएका छन्।

दाहालले माओवादी सांसद लेखनाथ दाहालले दिएको अभिव्यक्तिलाई लिएर संसदमा स्पष्टीकरण दिंदै अनियमितताको विषयमा काम गर्ने क्षेत्रधिकार पशुपति विकास कोसको भएको र यसमा कुनै विवाद नभएको बताए ।

प्रधानमन्त्री दाहालले सांसद दाहालले लगाएको आरोपको अडियोलाई रेकर्डबाट हटाउन पनि सकिने बताए। भने, सभामुख देवराज घिमिरेले उक्त अडियो रेकर्डबाट हटाउन निर्देशन दिए।

प्रमुख प्रतिपक्षी दल नेकपा एमालेले प्रतिनिधि सभाको बैठकमा शनिबार पनि शुरूमै उभिएर विरोध जनाएका थिए। बैठक सुरु हुनासाथ एमालेका सांसदहरुले उठेर विरोध जनाउंदा सभामुख देवराज घिमिरेले प्रधानमन्त्री पुष्पकमल दाहाल प्रचण्डले बैठकमा बोल्ने बताएपछि एमालेका सांसद बसेका थिए।