पोखरा । विश्वविद्यालय, स्कुल र सरकारी निकायकै लेखाइमा नेपाली भाषामा भद्रगोल छ । पत्रपत्रिका, स्कुल र क्याम्पस तहका पुस्तकमै एकरुपता छैन । साहित्यकार र सर्वसाधारणमा समेत नेपाली जसरी लेखे पनि काम चल्छ भन्ने भ्रम फैलिँदै छ । यस्ता धारणा चिर्न र भाषाको संरक्षण गर्न केही प्रयास भने सुरु भएका छन् ।
नेपाली विभाग, पृथ्वीनारायण क्याम्पसले शनिबार मानक नेपाली भाषाबारे छलफल आयोजना गर्दै छ । मानक नेपाली भाषाको प्रयोगः समस्या र समाधान विषयक कार्यशाला गोष्ठीमा २ कार्यपत्र प्रस्तुत हुने छन् ।
प्राडा चूडामणि बन्धु भाषाले ‘मानकीकरण र नेपाली भाषा’ र डा प्रेमप्रसाद चौलगाईंले ‘नेपाली भाषामा हुने गरेका भाषिक त्रुटि र निराकरणका उपायहरु’ शीर्षकका कार्यपत्रहरु प्रस्तुत गर्दै छन् । कार्यशालामा प्राध्यापक, कर्मचारी, लेखक, पत्रकार, कानुन व्यवसायी, प्रकाशक, शिक्षक गरी ३ सय जना सहभागी हुने आयोजकको अपेक्षा छ ।
नेपाली भाषाकै माध्यमबाट जीविकोपार्जन गर्नेहरुमा समेत भाषिक प्रयोगमा शुद्धता नदेखिएको नेपाली विभाग प्रमुख प्राडा कुशुमाकर न्यौपाने बताउँछन् । उनी भन्छन्, ‘भाषाको प्रयोगमा सजगता ल्याउनका लागि र भाषिक त्रुटि गर्ने अवस्था नबनाउन कार्यशाला आयोजना गरेका हौं । हामीले भाषामा गल्ती गर्नु अक्षम्य नै हुन्छ ।’
प्रज्ञा प्रतिष्ठान, प्रकाशनहरु, सरकारी निकाय, विश्वविद्यालय, मिडिया, शिक्षक, सरकारी कर्मचारीसहित सर्वसाधारणमै नेपाली भाषाको ज्ञान, प्रयोगमा सचेतना र भाषाप्रति आकर्षण सिर्जना गर्न कार्यशाला फलदायी हुने अपेक्षा गरिएको छ ।
सम्बन्धित खबर
रानीथुम्का आधारभूत विद्यालयमा महायज्ञ हुँदै
लामो समयदेखि फरार रहेका दुई प्रतिवादी पक्राउ
अर्जुनचौपारीमा एकदिने स्वास्थ्य शिविर
६ विद्यालयका एक सय १२ विद्यार्थीलाई न्यानो कपडा
प्रतिभा माविद्वारा खेलकुदका उत्कृष्टलाई पुरस्कार प्रदान
अयरपानी होमस्टेमा पर्यटकको चहलपहल बढ्दै
यो पनि पढौँ
पोखरा रंगशालामा पनि फ्लडलाइट जडान गरिनेछः कुलमान घिसिङ
पोखरेललाई फकाउँदै ओली- घच्चमच्च भएको भए सरी, विरोधीले लखेटेका बेला साथ खोजेको हुँ
एमालेका युवराज र अष्टलक्ष्मीसहित तीन शीर्ष नेताले सक्रिय राजनीति छाडे
नवनियुक्त ४ मन्त्रीले लिए शपथ, को हुन् नयाँ मन्त्री?