कार्यसम्पादन तथा निरीक्षणमा सशस्त्र प्रहरी बल नेपाल नं. ३० गुल्म हेडक्वाटर स्याङ्जा गण्डकी प्रदेशकै उत्कृष्ट बनेको छ ।

स्याङ्जाको वालिङ् -८ घ्याङ्लीङमा रहेको सशस्त्र प्रहरी गुल्म देशभरकै चौँथो र गण्डकी प्रदेशको प्रथम स्थान प्राप्त गर्दै उत्कृष्ट बनेको हो । सशस्त्र प्रहरी बल नेपाल नं. ४ मुक्तिनाथ बाहिनी मुख्यालय(प्रदेश कार्यालय) को २३ औं स्थापना दिवसका अवसरमा सशस्त्र प्रहरी महानिरीक्षक राजु अर्यालले सशस्त्र प्रहरी बल नेपाल नं. ३० गुल्म हे.क्वा. स्याङ्जाका गुल्मपती सशस्त्र प्रहरी नायब उपरीक्षक देवराज जोशीलाई प्रशंसा पत्रसहित पुरस्कृत गरेका थिए ।

सशस्त्र प्रहरी बल नेपाल केन्द्रिय निरीक्षण एवं उत्कृष्ट इकाईहरुको छनौट तथा इकाईहरुको योग्यताक्रम निर्धारण सम्बन्धी स्थायी आदेश २०८० को निरीक्षणको क्रममा गण्डकी प्रदेश अन्तर्गतका गुल्महरु मध्ये सशस्त्र प्रहरी बल नेपाल नं. ३० गुल्म हे.क्वा. स्याङ्जा उत्कृष्ट हुन सफल भएको डिएसपी जोशीले बताए ।

स्याङ्जाको वालिङ् स्थित सशस्त्र गुल्मले जिल्लाका विभिन्न स्थानमा हुने विपदका घटना बाढीपहिरो, आगलागी, सवारी दुर्घटना लगायतमा तत्काल रेस्क्यु गरी सेवा दिने देखि विभिन्न उद्धारका काममा सशस्त्र प्रहरीले उल्लेखनीय भुमिका खेल्दै आएको छ ।