स्याङ्जाको आँधीखोला गाउँपालिकामा खुल्ला भजन चुड्का प्रतियोगिता हुने भएको छ ।
बाला चतुर्दशिका दिन अर्थात् यहि मङ्सिर १५ गते ‘अन्धा अन्धी श्रवण कुमारको महिमा’ भन्ने विषयमा खुल्ला भजन चुड्का प्रतिस्पर्धा गरिने गाउँपालिका प्रमुख विश्व पौडेलले जानकारी दिए ।
आँधीखोला गाउँपालिका -४ स्थित ऎतिहासिक तथा धार्मिक तिर्थस्थल श्रवण कुमार समाधी क्षेत्र परिसरमा प्रतियोगिता गरिने प्रमुख पौडेलले बताए । सोही दिन सतबिज छर्ने लगायत विविध धार्मिक एवं सास्कृतिक कार्यक्रम गरिने उनको भनाइ छ ।
उनले ऎतिहासिक तथा धार्मिक स्थल श्रवणकुमार समाधि क्षेत्रको थप प्रचारप्रसार गर्ने र भजन चुड्का प्रतियोगिता मार्फत मौलिक संस्कृतिको संरक्षणमा समेत टेवा पुगोस् भनी प्रतियोगिता आयोजना गरिएको पौडेलले बताए ।
किंवदन्ती अनुसार आफ्ना दृष्टिविहिन बाबाआमालाई खर्पनमा बोकेर तीर्थाटन गराउन हिँडेका क्रममा बाबाआमालाई तिर्खा लागेछ ।
नजिकै पानी नपाएपछि एउटा गुफामा राखेर पानी खोज्न जाँदा तलाउमा पानी भर्ने क्रममा राजा दशरथको वाण लागेर श्रवणकुमारको मृत्यु भएछ । जुन ठाउँमा श्रवणकुमारको मृत्यु भयो सोही ठाउँमा नै पहिलो पटक भजन चुड्का प्रतियोगिता गर्न लागिएको हो ।
उनले प्रतियोगितामा विजेता हुने टिमले नगद १७ हजार रुपियाँ प्राप्त गर्ने बताए । यस्तै, द्वितीय हुनेले १३ हजार, तेस्रोले नौ हजार र सान्त्वनाले पाँच हजार रुपियाँ हात पार्नेछन् ।
This will close in 4 seconds
सम्बन्धित खबर
रानीथुम्का आधारभूत विद्यालयमा महायज्ञ हुँदै
बालाचतुर्दशीमा पशुपतिनाथ तथा शिवालयहरूमा शतबीज छर्नेको घुइँचो
अस्ताउँदो सूर्यलाई अर्घ्य दिँदै छठ मनाइयो
छठ प्रकृति र मानव जीवनबीचको सम्बन्ध स्थापित गर्ने पर्वः प्रदेश प्रमुख भट्ट
आजदेखि छठ पर्वको विधिवत् शुभारम्भ, कुन दिन के गरिन्छ ?
पोखराको भाइटीका महोत्सवमा १२ देशका एक सय पर्यटक सहभागी
यो पनि पढौँ
स्याङ्जाको बैंकमा सुरक्षा गार्डमाथि चक्कु प्रहार, एक युवक पक्राउ
प्रतिभा माविमा गणित हाजिरीजवाफ
जसले संसद भवन जलायो, रास्वपाले मोरङ–२ मा उसैलाई उम्मेदवार बनायो
कान चुँडाएर सुन लुट्ने गिरोह पक्राउ, मुख्य नाइके जेन-जी आन्दोलनमा हिरासतबाट भागेका तामाङ