पोखरा । इञ्जिनियरिङ अध्ययन संस्थान, पश्चिमाञ्चल क्याम्पस, लामाचौर पोखराको स्ववियु नेतृत्वका लागि नेकपा माओवादी केन्द्र निकट अखिल (क्रान्तिकारी)बाट आदर्श महत क्षेत्रीको नेतृत्वमा टीम चुनावी मैदानमा उत्रिएको छ ।

सिभिल ०७८ ब्याचका आदर्श महत क्षेत्री अध्यक्षको उम्मेदवार रहेका छन् । सचिवमा हरिकृष्ण खड्का, कोषाध्यक्षमा शसिस सापकोटा उम्मेदवार छन् ।

प्रत्यक्ष सदस्यतर्फ सन्दीप शाही, भुवनसिंह ठकुरी, भुवन आचार्य उपाध्याय, नागेन्द्र मण्डल, निकिता पाठक, विजय पाठक र निर्मल पाठक उम्मेदवार छन् ।

डब्लूआरसी निर्माणको भारी, बोक्छ अखिल क्रान्तिकारी मूल नाराका साथ क्रान्तिकारी विद्यार्थीहरु चुनावमा होमिएका छन् ।

अध्यक्षका उम्मेद्वार क्षेत्रीले इञ्जिनियरिङ क्याम्पसमा विद्यार्थीको हकहितको मुद्धा अखिल क्रान्तिकारीको नेतृत्वमा मात्र सम्भव रहेको दाबी गरे ।

उनले भने – ‘हाम्रो संगठनले क्याम्पसमा विद्यार्थीको हक हितको लागि उदाहरणीय कामहरू गर्दै आएको छ । सेनिटरी प्याड भेन्डिङ मेसिन डिस्पोजल मेसिनका साथै अखिल क्रान्तिकारी पुस्तकालयको स्थापना गरेका छौँ ।

२०७३ सालमा भएको स्ववियु निर्वाचन पछि डब्लूआरसीमा निर्वाचन भएको छैन ।