त्रिभुवन विश्वविद्यालय अन्तर्गत देशभरका आंगिक तथा सम्बन्धन प्राप्त क्याम्पसहरूमा आज तोकिएको निर्वाचन कहिँ भए भने कतै हुन सकेनन् ।
वन विज्ञान अध्ययन संस्थान, पोखरामा नेपाली काँग्रेस निकट नेपाल विद्यार्थी विरुद्ध एमाले र माओवादी समर्थित विद्यार्थी एक भएर चुनाव लडेकोमा संयुक्त प्यानलले सबै पद जितेको छ ।
आफ्नो दलहरु सत्तापक्ष र प्रतिपक्षी रहँदा वन क्याम्पसमा भने वाम गठबन्धन मिलेर चुनाव लडेका हुन् । निर्वाचन संयोजक डा. रामप्रसाद शर्माका अनुसार संयुक्त प्यानलका तर्फबाट अनेरास्ववियुका अभिषेक शर्मा अध्यक्षमा विजयी भएका छन् ।
शर्माले २३० मत प्राप्त गर्दा प्रतिष्पर्धी नेवि संघका उत्तम हुमागाईंले १४८ मत प्राप्त गरे । सचिव अखिल क्रान्तिकारीका गौरव खड्का विजयी भए । उनले २२६ मत प्राप्त गरे भने प्रतिष्पर्धी नेवि संघका दीपेन्द्र रौनियराले १४८ मत ल्याए ।
कोषाध्यक्षमा अनेरास्ववियुकी प्रतिमा श्रेष्ठ २२४ मत ल्याएर विजयी भइन् । नेवि संघकी जानकारी गुर्धामी १५४ मतमा सीमित भइन् ।
५ जना सदस्यहरुमा अनेरास्ववियुबाट २ जना र अखिल क्रान्तिकारीबाट ३ जना विजयी भएका छन् । सुनिलसिंह भण्डारी, सिद्धान्त खनालका साथै रिया श्रेष्ठ, प्रकट ढुंगाना र भिभोर शाह विजयी भएका छन् ।

सम्बन्धित खबर
तनहुँमा बालभिटा खुवाउन सुरु
एसइई दिएका विद्यार्थीलाई डिजिटल प्रविधिको तालिम
नेपाल सुनचाँदी रत्न तथा आभुषण व्यवसायी संघ कास्कीको ११ औं वार्षिक साधारण सभा सम्पन्न
पोखरा–२८ मा कृषि गीत प्रतियोगिताः मातृशिशु कृषि समूह प्रथम
फोटो पत्रकारिता दिवसमा महाप्रभुधाम फोटो यात्रा
मैत्रीपूर्ण भलिबलमा टिम युनिटी र जिएण्डजी विजयी
यो पनि पढौँ
पोखरामा रेस्टुरेन्टमा खाएर डिएसपी हूँ भन्दै पैसा नतिर्ने बाग्लुङका पौडेल पक्राउ
कश्मीरमा मारिएका नेपालीको पहिचान खुल्यो, बुटवलका २७ वर्षीय सुदीप न्यौपाने
पोखराको फिर्के पुल निर्माण ठेक्का तोड्यो सडक विभागले
वैशाख ११ गतेदेखि नियमित कक्षा सञ्चालन गर्न पोखरा महानगरको अनुराेध