पोखरा । चीनको ल्हासा र पोखरा बीच नियमित व्यावसायिक उडान सुरु गरेको छ । हिमालय एयरलाइन्सले ल्हासाबाट १०७ यात्रु बोकेर सोमबार दिउँसो १:५५ बजे पोखरा अन्तर्राष्ट्रिय विमानस्थलमा अवतरण गरेको हो।
जहाजमा ३२ चिनियाँ र ७५ नेपाली नागरिक आएका छन् । उनीहरूलाई पर्यटन राज्यमन्त्री अरुण चौधरी, गण्डकीका मुख्यमन्त्री सुरेन्द्र पाण्डे, नेपालका लागि चिनियाँ राजदूत छेन सङ र मेयर धनराज आचार्यले स्वागत गरेका थिए ।
ल्हासा–पोखरा रुटमा सातामा एक नियमित उडान गर्ने कार्यतालिका छ । हिमालय एयरलायन्स पोखरामा नियमित अन्तर्राष्ट्रिय उडान भर्ने पहिलो वायु सेवा कम्पनी बनेको हो । चार्टर उडान भर्नेमा पनि हिमालयन एयरलायन्स पहिलो बनेको थियो ।
उक्त जहाज सोमबार पोखरा बसेर मंगलबार बिहान पुनः ल्हासाका लागि उड्नेछ । ल्हासा–पोखरा मार्गमा सातामा एक पटक उडान गर्ने तालिका निर्धारण गरिएको छ।
केही दिन अघि मात्रै छेन्दु–पोखरा चार्टर उडान गरिएको थियो । ल्हासा–पोखरा नियमित उडान र छेन्दु–पोखरा चार्टर उडान जस्ता पहलहरूले विमानस्थललाई व्यावसायिक रूपमा सक्रिय बनाउन मद्दत गर्ने अपेक्षा गरिएको छ।
सम्बन्धित खबर
अयरपानी होमस्टेमा पर्यटकको चहलपहल बढ्दै
चापाकोटको पर्यटन सपना अधुरै: छ करोडको टावर ओझेलमा, पर्यटन शून्य
देशकै पहिलो ‘नमुना पुल’ निर्माण सुस्त गतिमा, सम्झौता सकिँदा अझै २५ प्रतिशत अधुरो
मुस्ताङमा ७ लाख ५ हजार पर्यटक भित्रिए
मुस्ताङ घुम्ने विदेशी पर्यटक ५० प्रतिशतले बढे
पोखरा-जोमसोम हवाई उडानको सङ्ख्या घट्यो
यो पनि पढौँ
चरक मेमोरियल हस्पिटलको १३ औं वार्षिकोत्सवमा विविध कार्यक्रम
‘पोखरा विन्टर फेष्ट’ आगामी शनिबार, चर्चित भारतीय कलाकार सञ्जु राठोडको प्रस्तुती रहने
इन्धनबाट चल्ने गाडीहरु विस्थापन हुँदा सयौँ मजदुरहरु पलायन हुने स्थिति आयोः श्रेष्ठ
पोखरेललाई फकाउँदै ओली- घच्चमच्च भएको भए सरी, विरोधीले लखेटेका बेला साथ खोजेको हुँ