पोखराको नदीपुरमा अवस्थित प्रतिभा माध्यमिक विद्यालयले शैक्षिक सत्र २०८२ मा कक्षा नर्सरीदेखि कक्षा ९ सम्म भर्ना भएका नवआगन्तुक विद्यार्थीहरूलाई एक कार्यक्रमका बीच स्वागत गरेको छ ।

कार्यक्रममा विद्यालयका संस्थापक प्राचार्य किरण सापकोटाले अभिभावकहरूसँग भएको ज्ञान, सीप, क्षमता र पेसा व्यवसायबाट प्राप्त गरेका ज्ञान र आफूले सिकेका अनुभवहरू आफ्ना छोराछोरीलाई दिनुपर्नेमा जोड दिँदै प्रतिभा मावि एउटा संस्था नभएर  शिक्षा कर्ममा लागेका मान्छेहरूको सपना भएको बताए ।

कार्यक्रममा विशेष अतिथि विद्यालय निरीक्षक जीवनप्रसाद रेग्मीले विद्यालयले हरेक क्षेत्रमा गरेको कामप्रति आफू अत्यन्त खुसी भएको बताउँदै विद्यालय पोखराको आकाशमा मात्र नभएर देशभरिकै उत्कृष्ट विद्यालयको रुपमा रहेको बताए ।

विद्यालय सञ्चालन समितिका अध्यक्ष नारायण पौडेलको अध्यक्षतामा सम्पन्न भएको उक्त कार्यक्रममा विद्यालयले वर्ष २०८२ का लागि विभिन्न विधामा शिक्षकहरूलाई इन्चार्ज, तथा विभागीय प्रमुखको जिम्मेवारी समेत तोकिएको थियो ।

कार्यक्रमा कक्षा १० मा अध्यनरत लक्षिता रानाले स्वागत मन्तव्य दिएकी थिइन् भने कार्यक्रमको सञ्चालन सह प्रचार्य प्रदीप खनालले गरेका थिए । उक्त कार्यक्रममा शैक्षिकसत्र २०८१ का शैक्षिक पुरस्कार वितरणसमेत गरेको विद्यालयका नेपाली विभागका प्रमुख विष्णुप्रसाद पौडेलले जानकारी दिए ।