पोखरा । १०+२ तहमा नेपालकै एक उत्कृष्ट विद्यालय प्रतिभा मावि, पोखराले यस वर्षको कक्षा १२ को बोर्ड परीक्षामा पनि उत्कृष्ट नतिजालाई निरन्तरता दिएको छ ।

प्राचार्य किरण सापकोटाका अनुसार यहाँबाट परीक्षामा सम्मिलित विद्यार्थीहरुमध्ये ९ जनाले ३.९६ सहित २२३ जनाले ३.६१ देखि ४.० जिपिए ल्याएका हुन् । हालसम्म जानकारी अनुसार ३.९६ जिपिए नै देशभरको उच्चतम् जिपिए हो । यसपटक कसैले पनि ४ जिपिए ल्याउन सकेनन् ।

यस्तै, ३२५ जनाले ३.२१ देखि ३.६० जिपिए ल्याएका छन् । १५१ जनाले २.८१ देखि ३.२० जिपिए र २१ जनाले २.४१ देखि २.८० जिपिए हासिल गरेको प्राचार्य सापकोटाले जनाए ।

पोखराको पालिखेचोकस्थित प्रतिभाले विगतमा पनि उत्कृष्ट नतिजा दिँदै आएको थियो ।

राष्ट्रिय परीक्षा बोर्ड २०७५ मा संचालित कक्षा  १२ को परीक्षामा प्रतिभाकी छात्रा शुरती पाण्डेले व्यवस्थापन संकायमा देशभरमै सर्वोत्कृष्ट विद्यार्थी हुन सफल भएकी थिइन् ।

प्राचार्य सापकोटाले शैक्षिक सर्वोत्कृष्टता कायम गर्दै समुत्तीर्ण सम्पूर्ण विद्यार्थी बाबुनानीहरुलाई हार्दिक बधाई ज्ञापन गर्दै सफल र गौरवपूर्ण आगामी शैक्षिक यात्राको लागि शुभकामना दिएका छन् । साथै, उत्कृष्ट नतिजाका लागि हरदम क्रियाशील शिक्षक, कर्मचारी, अभिभावक र शुभेच्छुकप्रतिभा धन्यवाद तथा आभार व्यक्त गरेका छन् ।

विद्यालय अध्यक्ष नारायण पौडेलले विद्यालयले यो उपलब्धिलाई निरन्तर शैक्षिक उत्कृष्टताको प्रमाणका रूपमा लिएको बताए ।