पोखरा । पोखरा महानगरपालिका –१६ ले किसानलाई लक्षित गरी विभिन्न उन्नत जातका तरकारीका बेर्ना उत्पादन गर्न थालेको छ ।

पाखरा १६ महेन्द्र गुफा र घार्मिखोलाका महिलालाई आत्मनिर्भर बनाउन नगरपालिकाले कृषि शहकारि मार्फत बेर्ना उत्पादन प्रकिया थालेको हो ।

महेन्द्र गुफाको नयाँ किरण कृषि शहकारी संस्था तथा ग्रिनभ्यालि शहकारीका महिला सदस्यलाई बेर्ना उत्पादनको लागि हाईब्रिड काँक्रो, घिरौला, करेलाका बिउ वितरण थालिएको महानगर पालिका कृषि सञ्जालले जनाएको छ ।

तरकारिका बेर्ना तयार पार्न प्रत्येक कृषि शहकारी संस्थाका सदस्यहरुलाई बिउ, नर्सरी प्लाष्टिक, हजारि, माटोमा हाल्ने बिषादि तथा तालिम निःशुल्क रुपमा उपलब्ध गराउने वडा नं १६ का जनप्रतिनिधि मन्जु बस्यालले बताइन् । कृषि उत्पादनमा राम्रो सम्भावना भएकोले कृषि उपजमा आत्मनिर्भर बनाउने लक्ष्य वडाले लिएको छ । वडा नंं १६ बासिहरुलाई कृषि बालीमा आत्मनिर्भर बनाउन पालिकाले कृषि क्षेत्रमा लगानी बढाउन थालेको बस्यालले जानकारी दिइन् । सहभागी महिलालाई प्रशिक्षक पुष्पा अञ्जली हमाल तथा दामोदर अधिकारीले प्रशिक्षण दिएका थिए ।

बजारमा तरकारी मूल्यमा निरन्तर वृद्धि भएका कारण किसानको भान्सा महंगो पर्दै गएकाले किसानले आफुलाई आवश्यक पर्ने तरकारी आफै उत्पादन गर्न सकुन भन्ने उद्देश्यले कार्यक्रम संचालन गरिएको बताईएको छ ।