पोखरा । सगरमाथा लुम्बिनि इन्स्योरेन्स (सलिको) ले आफ्नो २९औ बार्षिकोत्सब बृद्धबृद्धा तथा अशक्तलाई भोजन गराएर मनाएको छ ।

बार्षिकोत्सबको अबसरमा बिहीबार एक कार्यक्रमको आयोजना गरि कास्की स्थित छोरेपाटन र हेम्जामा अवस्थित मानब सेवामा आश्रममा आश्रय लिएका बृद्धवृद्धा तथा अशक्त ब्यक्तिहरु लाई भोजन गराएको पोखरा न्युरोडका शाखा प्रमुख राजेश बाबु खत्रीले जानकारी दिए ।

सगारमाथा लुम्बिनि इन्स्योरेन्सले सामाजिक उत्तरदायित्व अन्तरगत रक्तदान, स्थानिय स्तरमा सरसफाई सहित विभिन्न सामाजिक कार्यक्रम गर्दै आएको सलिकोले जनाएको छ ।

कार्यक्रमका प्रमख अतिथि समेत रहनुभएका खत्रीले सामाजिक क्षेत्रमा गरिने कार्यक्रमलाई पहिलो प्राथमिकतामा राख्दै भविष्यमा पनि यस्ता कार्यलाई निरन्तरता दिइने बताए । खत्रीले संस्थाको वार्षिकोत्सवलाई केवल उत्सबको रुपमा होइन, सामाजिक योगदानको अवसरको रुपमा मनन गर्दै अगाडि बढ्ने प्रतिवद्धता व्यक्त गरे ।

कार्यक्रममा आश्रम संचालक तथा कर्मचारीहरुले सालिको इन्स्योरेन्स प्रति हार्दिक आभार ब्यक्त गर्दै, यस्ता सहयोहरुले बृद्धवृद्धाहरुमा आत्मवल, आत्मसम्मान र सकारात्मक भावना पैदा गर्ने विश्वास ब्यक्त गर्दै, आउँदा दिनहरुमा पनि सहयोगी हातहरु बढान आग्रह गरेका थिए ।

सगरमाथा र लुम्बिनी इन्स्योरेन्स कम्पनी एक आपसमा गाभिएर विगत तीन वर्ष देखि सलिको इन्स्योरेन्स कम्पनीको नाममा एकिकृत कारोबार गर्दै आएको छ ।