पोखरा महानगरपालिका वडा नं १४ ले दुई दिने प्रशिक्षण कार्यक्रम संचालन गरेको छ।

सकारात्मक सोचको विकास, नेतृत्व विकास तथा आपत् विपतका समयमा रेस्क्यू कसरी गर्ने भन्ने लगायतका विषयमा वडाले प्रशिक्षण कार्यक्रम संचालन गरेको हो।

वडा अध्यक्ष बोध बहादुर कार्की र प्रशिक्षक डा. तुलसी प्रभाषले संयुक्त रुपमा शुभारम्भ गरेको कार्यक्रममा यस्ता प्रशिक्षणले नागरिकमा सकारात्मक सोचको विकासका गर्नुका साथै नागरिकलाई आफ्नो टोल, समाज, वडा र समग्र राष्ट्रप्रति जिम्मेवार बनाउन र भावि सन्ततिहरूलाई नैतिकवान बनाउने उद्देश्य लिएको वडा अध्यक्ष कार्कीले बताए।

यस्तै, प्रशिक्षक डा. तुलसी प्रभाषले सफलता, नेतृत्व, गुणस्तर लगायत मानव जीवनको विभिन्न आयामकाबारे प्रशिक्षण दिएका थिए।

कार्यक्रममा वडा नं १४ का ७७ टोल सुधार समितिका अध्यक्ष र एकजना महिला सदस्यको सहभागिता रहेको थियो भने, वडाका ५ वटा सामुदायिक विद्यालयका करिब ३ सय विद्यार्थीलाई आज र भोलि गरी दुई दिनसम्म प्रशिक्षण दिइने वडा अध्यक्ष कार्कीले जानकारी दिए।