स्याङ्जाका विभिन्न स्थानमा तीन दिनसम्म निःशुल्क आँखा परीक्षण तथा मोतियाबिन्दु शल्यक्रिया शिविर सञ्चालन हुने भएको छ ।
सानिमा बैंक लिमिटेड पुतलीबजार शाखाको आयोजना तथा हिमालय आँखा अस्पताल पोखराको प्राविधिक सहयोगमा सञ्चालन हुन लागेको शिविरबाट जिल्लाका सर्वसाधारण लाभान्वित हुने अपेक्षा गरिएको छ ।
शिविरको पहिलो दिन असार ७ गते भीरकोट नगर अस्पताल हेलुमा आँखा परीक्षण तथा स्क्रिनिङ कार्यक्रम सञ्चालन गरिनेछ । यस्तै दोस्रो दिन असार ८ गते बयरघारीस्थित क्षत्री समाज भवनमा निःशुल्क आँखा परीक्षण गरिने कार्यक्रम तय गरिएको छ ।
तेस्रो तथा अन्तिम दिन असार ९ गते वालिङ नगरपालिकास्थित गह्रौं प्राथमिक अस्पतालमा मोतियाबिन्दुका बिरामीहरूको निःशुल्क शल्यक्रिया गरिने जनाइएको छ ।
सानिमा बैंक पुतलीबजार शाखाका प्रबन्धक प्रेम बहादुर महतका अनुसार बैंकले सामाजिक उत्तरदायित्व कार्यक्रमअन्तर्गत आँखा स्वास्थ्यसम्बन्धी सेवा सर्वसाधारणसम्म पुर्याउने उद्देश्यले शिविर आयोजना गरेको हो ।
शिविरमा मोतियाबिन्दुका साथै अन्य आँखा सम्बन्धी समस्या भएका बिरामीले पनि परीक्षण तथा परामर्श सेवा निःशुल्क प्राप्त गर्न सक्नेछन् । आयोजकले आँखासम्बन्धी समस्या भएका स्थानीय बासिन्दालाई समयमै परीक्षण गराई सेवा लिन आग्रह गरेका छन् ।
सम्बन्धित खबर
स्याङ्जा नागरिकता किर्ते प्रकरण : ताकेतापछि मात्रै ३ कर्मचारी पक्राउ
राजनीति र व्यवसायसँगै कृषिमा रमाउँदै पूर्ववडाध्यक्ष अधिकारी
कालीगण्डकी गोल्डकप : होराइजन र ज्योतिपुञ्ज सेमिफाइनलमा
कालीगण्डकी गोल्डकपमा आज चापाकोट र होराइजन तथा ज्योतिपुञ्ज र भदौरे भिड्दै
कालीगण्डकी गोल्डकपमा पोखरा र गोरखा सेमिफाइनलमा
स्याङ्जामा ट्याक्टर दुर्घटना हुँदा दुई जनाको मृत्यु, तीन घाइते
यो पनि पढौँ
पोखरामा स्कुटर दुर्घटना हुँदा कुँवरको मृत्यु
आईजीपी कार्कीलाई राजीनामा दिन प्रधानमन्त्री बालेन टीमको दबाब !
जीर्ण पोल र गुजुल्टिएका तार हटाएपछि फर्कियो पोखराको सौन्दर्य
असोज २५ को बूढीगण्डकी बाढीमा फसेको कुकुर भोकै, उद्धारका लागि स्थानीयको अपिल