स्याङ्जाको वालिङमा सवारीसाधन चेकजाँचका क्रममा प्रहरीले ठूलो परिमाणमा लागूऔषधसहित दुई जनालाई पक्राउ गरेको छ ।
प्रहरीले बिहीबार साँझ वालिङ नगरपालिका–१ कालिमाटी ठाँटीस्थित सिद्धार्थ राजमार्गमा मोटरसाइकल जाँच गर्ने क्रममा उनीहरू पक्राउ परेका हुन् ।
चेकजाँचका क्रममा ग १८ प ५४९७ नम्बरको मोटरसाइकल रोकेर जाँच गर्दा सवार दुई जनाको साथबाट लागूऔषध बरामद गरिएको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक रमेश दत्त अवस्थीले जानकारी दिए ।
पक्राउ पर्नेमा भीरकोट नगरपालिका–२ का २६ वर्षीय सहिद दिन मियाँ र वालिङ नगरपालिका–१ का ३० वर्षीय सुवास काफ्ले रहेका छन् ।
प्रहरीले उनीहरूको साथबाट बुप्रेनोर्फिन ३९ एम्पुल, डाइजेपाम ३८ एम्पुल, फेनरागन ३९ एम्पुल र दुई थान सिरिन्ज बरामद गरेको छ । साथै ओप्पो कम्पनीको एक थान मोबाइलसमेत प्रहरीले नियन्त्रणमा लिएको छ ।
लागूऔषधसहित दुवै जनालाई नियन्त्रणमा लिएर आवश्यक अनुसन्धान तथा कानुनी कारबाही प्रक्रिया अघि बढाइएको प्रहरी नायब उपरीक्षक अवस्थीले बताए ।
सम्बन्धित खबर
बेवारिसे भरुवा बन्दुक र कारतुस बरामद
मोटरसाइकल चेकजाँच गर्दा दुई जना लागूऔषधसहित पक्राउ
स्याङ्जामा दूध उत्पादन गर्ने किसानलाई प्रतिलिटर पाँच रुपैयाँ अनुदान
भरुवा बन्दुकजस्ता सात संरचना बरामद
योजना छनोटमा विवादपछि चापाकोट–१ को वडा कार्यालयमा तालाबन्दी
स्याङ्जामा विभिन्न मुद्दामा फरार पाँच प्रतिवादी पक्राउ
यो पनि पढौँ
फुटबल खेल्न गएका २ किशाेर विजयपुर खाेलाले बगाउँदा बेपत्ता, एक सकुशल
प्रतिभा र शान्ति निकेतनबीचको सहलगानी तथा सहकार्य योजना स्थगित
सरकारलाई ग्यास महासंघले भन्यो- बिक्रेतामार्फत् ग्यास बाँड, उपभोक्ताले धेरै दुःख पाए
शिक्षक र विद्यालय कर्मचारीको तलब बढ्यो, कसको कति?