पोखरा ।  रिफ्रेसमेन्टका लागि केही समय यता पोखरामा रहेका पूर्वयुवराज पारस शाह तिहारमा पनि काठमाण्डौ गएनन् । पछिल्लो समय उनी आइतबार रुपाकोटस्थित रुपाकोट रिसोर्टमा भेटिए ।

दशैंदेखि नै पोखरामा रमाइरहेका पारसले तिहार पनि पोखरामै मनाउने बताउँदै थिए । उनले भने, ‘तिहारमा पनि काठमाडौं जाँदिन, सोमबार बहिनी पोखरामै आउँछिन् ।’ एक्वा कलरको ब्रसलेट, लेदरको पाइन्ट, निलो स्वेटरमाथि लेदरकै स्टकोट लगाएका पारसले रुपाकोट रिसोर्ट २ घण्टा बिताए । सुरुमा जुस लिए । भ्यू प्वाइन्टबाट रुपा र बेगनास तालको रुप नियाले । धौलागिरी, अन्नपूर्ण, मनास्लु र माछापुच्छ्रे हिमालको रेञ्जको अवलोकन गरे । अर्काइभका लागि क्यामराबाट आफैंले केही तस्बिर पनि लिए ।

रुपाकोटमा पूर्वयुवराज पारस र सोनिका सँगै थिए । पारस कालो रंगको पजेरो चढेर आइतबार साढे १२ बजे रुपाकोट रिसोर्ट पुगेका थिए । र, २ बजे त्यहाँबाट फर्किए । सोनिका आउँदा, जाँदा र रिसोर्टमा बस्दा पारससँगै थिइन् ।केही समययता हार्ले डेभिन्सनको बाइकमा पोखरामा घुमिरहेको भिडियो टिकटक जस्ता सामााजिक सञ्जालमा खुबै चर्चित भएको थियो । पछिल्लो समय पारस र युटुवर सोनिका रोकायाबीचको सम्बन्धबीच निकै चर्चा चलिरहेको छ । सामाजिक सञ्जालदेखि आमसञ्चार माध्यमसम्म उनीहरुको फोटो, भिडियो र सम्बन्धको चर्चा छ ।

-क्लिकमाण्डू

पोखरामा पारस र सोनिका ! ‘हाम्रो भेट भगवानले जुराएको, पारस सरकार मलाई सुधार्ने प्रयासमा हुनुहुन्छ’ (भिडियोसहित)