गोरखा, १७ माघ । जिल्लाको गोरखा नगरपालिका वडा नं. १० मा रहेको अवैध क्रसर उद्योगका कारण यस क्षेत्रका ३०० वालबालिकाहरुको भविष्य अन्यौल भएको छ । तारा माध्यमिक विद्यालयको प्राङ्गण भएर दिनहुँ सयौंको संख्यामा ट्रिपरहरु धुलो उडाउँदै गुड्ने गर्दछन । यिनै ट्रिपरहरुका कारण विद्यार्थीहरुको शैक्षिक भविष्य अन्यौल भएको हो ।
विद्यार्थीहरु हिड्ने बाटो र क्रसरमा दौडने गाडि हिँड्ने बाटो एउटै छ । विद्यालय जान लागेका बालबालिकाहरुलाई कुनै प्रवाह नै नगरी गाडिहरु गुडिरहन्छन् । विद्यालयमा कक्षा चलिरहेका समयमा हर्न बजाउँदा कक्षाकोठाको पठनपाठनमा असहज हुने गरेको बालबालिकाहरु बताउँछन् ।
गोरखा नगरपालिका वडा नं. १३ मा सञ्चालन अनुमति पाएको गोरखकाली क्रसर उद्योग गोरखा भूकम्पलाई कारण देखाउँदै गोरखा नगरपालिका वडा नं. १० मा सञ्चालनमा रहेको छ । शुक्रबार विहान ५ः३० बजे छेपेटार दुध वेच्न हिडेकी बोहरावेशीकी ५२ वर्षिय मनमाया तामाङलाई सोही रुटमा चल्ने ग १ ख ८०२७ नम्बरको ट्रिपरले ठक्कर दिएर मारेको थियो । पिडित पक्षहरुले शुक्रबार दिन भर अवैध क्रसर तुरुन्त हटाउन माग गर्दै नारावाजी गरेका थिए ।
सार्वजनिक र त्यस स्थानका स्थानीयहरुको जमिन कब्जा गरेर उक्त उद्योग सञ्चालनमा आएको छ । घटना स्थलमा पुगेका सम्बन्धित वडाका वडा अध्यक्षहरुलाई समेत प्रहरीले दुव्र्यवहार गरेको थियो । क्रसर भन्दा विद्यालय पहिला स्थापना भएकाले क्रसर कागजपत्र अनुसार सम्बन्धित ठाउँमा लगेर सञ्चालन गर्नुपर्ने माग स्थानीयहरुले गरेपनि क्रसर सञ्चालकले भने विद्यालय र वरिपरीको बस्ती सार्नुपर्ने बताउँदै आएको स्थानीयहरु बताउँछन् ।
यसैवीच, शुक्रबार भएको घटनाका पीडित पक्ष, व्यवसायी र प्रहरी अधिकारीहरु वीच गोरखा स्थित १२ किलो चौकीमा भएको छलफल अनुसार १५ लाख रुपैयाँ पीडित पक्षलाई दिने र पीडित पक्षले लास उठाउने सहमति नजिक पुगिएको एक प्रहरीले बताए । क्रसर उद्योगको क्षेत्रलाई घेराबार गरेर व्यवस्थित बनाउन समेत व्यावसायीलाई प्रहरी अधिकारीहरुले सुझाव दिएका छन् ।
सम्बन्धित खबर
पामेका अनधिकृत संरचनामा महानगरको डोजर
व्यवसाय दर्ता र कर सचेतनाका लागि पोखरा महानगरले गर्यो क्याम्पसहरूसँग समझदारी
स्याङ्जा साल्मेडाँडाको गोर्खा स्मारक निर्माण कार्यलाई तीव्रता दिइने
पोखरामा एकै दिन दुई किशोरको डुबेर मृत्यु, फुस्रेखोलामा फेरि १६ वर्षका सुप्रिम डुबे
अनेरास्ववियु कास्कीले गर्यो बुद्धिचाल प्रतियोगिता
वर्ल्ड लिङ्कले ट्राफिकलाई गर्यो सहयोग, ६५ थान सामाग्री हस्तान्तरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग