पोखरा –पोखरामा आज  शनिबार  ३४ जनामा कोरोना संक्रमण पुष्टि भएको छ । शनिबार स्वास्थ्य निर्देशनालयको पहिलो र दोर्सो अद्यावधिक विज्ञप्ति अनुसार पोखरा महानगरपालिका ३४ जनामा कोरोना संक्रमण पुष्टि भएको विज्ञप्तिमा उल्लेख छ ।

• पहिलो अद्यावधिक विज्ञप्ति अनुसार ५ वडाका १० कोरोना संक्रमित थपिएका थिए ।

पोखरा स्वास्थ्य बिज्ञान प्रतिष्ठानमा गरिएको परीक्षणमा पोखरा वडा नं. ३ का ३० वर्षीया महिलामा कोरोना संक्रमण पुष्टि भएको निर्देशनालयले जनाएको छ ।

यस्तै क्षयरोग उपचार केन्द्र पोखरामा गरिएको परीक्षणमा पोखरा वडा नं. ५ का ४५ वर्षीया महिला, पोखरा वडा नं. २८ का ४८ वर्षीय पुरुष, पोखरावडा नं. ७ का २८ र २७ वर्षका पुरुष, पोखरा वडा नं. १६ का ३४,१८, २१, १८ र १६ वर्षीय पुरुषमा कोरोना संक्रमण भेटिएको छ ।

• दाेस्राे अद्यावधिक विज्ञप्ति अनुसार १७ महिलासहित २४ संक्रमित थपिएका थिए ।

पोखराका थप २४ जनामा कोरोना संक्रमण पुष्टि भएको छ । स्वास्थ्य निर्देशनालय गण्डकीले शनिबार  दिउँसो पोखराका ८ वटा वडाका थप २४ जनामा कोरोना भाइरस देखिएको जनाएको हो । यीमध्ये १७ जना महिला छन् ।  यसअघि, आजै पोखराका ५ वडाका १० जनामा कोरोना पुष्टि भएको थियो ।

पछिल्लो जानकारी अनुसार पोखरा महानगरका वडा नं. १३ का २९ वर्षीय पुरुष, वडा नं. १ का ३७ र १८  वर्षका २ पुरुष, वडा नं. १० का ५७ २६, ३७, ३८ वर्षीया ४ महिला, वडा नं. १२ का ५१, ४६, ४६, ३३, १०, ३४, २७ वर्षीया ७ महिला तथा १५ र ३५ वर्षका २ पुरुष, वडा नं. १८ का १७ वर्षीया महिला , वडा नं. २७  का ३७, १५ वर्षीया २ महिला तथा १६, १५ वर्षका २ पुरुष, वडा नं. २७ का उमेर नखुलेको एक पुरुष, वडा नं. २८ का २७ वर्षीया महिला र वडा नखुलेका २५ वर्षीय पुरुष रहेका छन् ।

कास्कीमा हालसम्म ५८८ संक्रमित फेला परेको छ, जसमध्य २३३ जना निको भएर घर फर्किसकेको छन् भने सक्रीय् संक्रमित ३४६ रहेको छ । कास्कीमा अहिले सम्म ९ कोरोना संक्रमितको मृत्यु भएको छ ।