पोखरा । रुपा गाउँपालिकामा नेविसंघले आफ्नो शाखा विस्तार गरेको छ । बिहीवार रुपाकै सबैभन्दा ठूलो विद्यालय पृथ्वी रुपामा नेविसंघले आफ्नो शाखा विस्तार गरेको हो ।

सम्झना सुनारको अध्यक्षतामा रुपा ६ को पृथ्वी रुपामा नेविसंघ इकाइ समिती गठन गरिएको हो । समितिको
उपाध्यक्षमा अमन गुरुङ र सुसान्त ज्ञवाली । सचीवमा सपना सुनार यसैगरी सहसचिव शिशिर लामिछाने र
कोषाध्यक्ष विनिता परियार चयन भएका छन् ।

यस्तै सदस्यमा दिपा अलि, अविशेक सुनार, पारस सुनार सहित ९ जना सहितको समिती गठन गरिएको हो ।

संगठन विस्तारको कार्यक्रममाको अध्यक्षत नेविसंघ रूपा ६ का सभापती सुमन सुबेदी र प्रमुख अतिथि( नेविसंघ कास्की १ का क्षेत्रीय सभापती सागर रानाभाट विशिष्ठ अतिथि बिमान प्रधान, राजीव भण्डारी रहेका थिए ।

कार्यक्रममा बोल्दै प्रमुख अतिथि रानाभाटले रुपाकै ठूलो स्कुलमा नेविसंघको शाखा विस्तार गर्नु ठुलो उपलब्धि रहेको दाबी गरे । उनले भ्रष्ट ओली सरकारदेखि रुष्ट विद्यार्थी आफै नेतृत्वमा आउन कदम चालेको धारणा राखे ।

विशिष्ठ अतिथि राजीव भण्डारी र विमान प्रधानले नेविसंघले संगठन विस्तार मात्र नभई विद्यार्थीको हक र अधिकारबारे पनि लड्ने बताए । कार्यक्रमको सञ्चालन निरोज लामीछानेले गरेका थिए ।