शेरधन राईले प्रदेश १ को मुख्यमन्त्री पदबाट आज पदबाट राजीनामा दिने भएका छन् । उनको स्थानमा माधव नेपाल समूह छाडेर बसेका भीम आचार्यलाई नियुक्त गर्ने एमालेको तयारी छ ।

एमाले संसदीय दलको नेता परिवर्तन गरेर शेरधनले राजीनामा दिने र आजै अपरान्ह्रसम्म मुख्यमन्त्रीमा आचार्यलाई प्रदेश प्रमुखबाट नियुक्त गराउने तयारी एमालेको छ । अहिले प्रदेश १ एमाले संसदीय दलको बैठक बसेको छ ।

बाग्मती प्रदेशमा जस्तै मुख्यमन्त्रीलाई राजीनामा गराएर नयाँ मुख्यमन्त्री नियुक्त्त गरेर आफ्नो बहुमत कायम राख्नका लागि प्रदेश १ मा एमालेले तयारी थालेको हो । यद्यपी, पार्टी फुटिसकेकाले माधव नेपाल समूह विपक्षी गठबन्धनमा रहेकाले विश्वासको मत नपाउने निश्चित जस्तै छ । यसो हुँदा बढीमा एक महिनामात्र आचार्य पदमा रहन सक्नेछन् ।

अष्टलक्ष्मी माधव नेपालको पार्टीमा नलागे उनी पनि मुख्यमन्त्रीबाट हट्ने निश्चित छ । मुख्यमन्त्री बन्न भनेरै प्रदेशमा टिकट लिएर जितेका राजेन्द्र पाण्डेले समेत त्यसको जनाउ गरिसकेका छन् । चन्द्रागिरीाबाट माधव नेपालले पनि अब अष्टलक्ष्मी पदमा कायम रहने नरहने उनकै निर्णयमा निहित रहेको स्पष्ट पारेका थिए । प्रदेश १ को अवस्था पनि बागमती जस्तै हुनेछ । माधव नेपाल समूहबाट राजेन्द्र राई मुख्यमन्त्री बन्न सक्न्छन् ।