३० वर्षदेखि राजनीतिमा क्रियाशील युवा नेता उमेश कुमार थापाले नेकपा एमाले धादिङ जिल्ला कमिटिको उपाध्यक्ष पदमा दाबेदारी पेश गरेका छन् । यही पुस २३ गते नेकपा एमाले जिल्ला कमिटि धादिङको आठौं अधिवेशन हुँदैछ ।

मुलपानी, पोखरास्थित महेन्द्रोदय माविमा २०४८ सालमा अनेरास्ववियु प्रारम्भिक कमिटि अध्यक्ष भएर राजनीतिमा अघि बढेका थापाले तीन दशकको राजनीतिक अनुभव बटुलिसकेका हुन् ।

युवा नेता थापाले अब जिल्ला कमिटिको उपाध्यक्ष पदमा आफू योग्य भएको भन्दै पार्टीमा अझै क्रियाशील रहँदै अघि बढ्ने अठोट लिएका छन् । पार्टीमा एकमत सिर्जना गरी सबैलाई समेट्दै अघि बढ्ने क्षमता आफूसँग रहेको भन्दै उनले पार्टी नेतृत्व र कार्यकर्ताले आफ्नो योगदानलाई सम्मान गर्ने विश्वास पनि लिएका छन् ।

अनेरास्ववियु धादिङ क्षेत्र नं. १ का अध्यक्ष, धादिङ जिल्ला कमिटिको विभिन्न पदमा रही अध्यक्ष, बागमती अञ्चल कमिटि सदस्य, राष्ट्रिय परिषद् सदस्य हुँदै केन्द्रीय कमिटिको सदस्यमा बसेर उनले विद्यार्थी आन्दोलन हाँकिसकेका छन् ।

यस्तै, नेकपा एमाले धादिङ काठमाण्डौ सम्पर्क मञ्चको सदस्य हुँदै सचिव, नेकपा एमालेका ईलाका कमिटि, क्षत्रीय कमिटी हुँदै जिल्ला कमिटीमा काम गरेको १८ बर्ष को अनुभव पनि युवा नेता थापासँग छ । मदन भण्डारी फाउण्डेशन जिल्ला शाखा धादिङको अध्यक्ष भएर समेत सफल कार्यकाल बिताइसकेका छन् ।

एमालेको बागमती प्रदेश कमिटी सदस्य पनि हुन् । उनी विभिन्न सामाजिक संघसंस्थामा आबद्ध भएर सामाजिक सेवामा पनि अग्रसर रहँदै आएका छन् ।

भद्र र शालिन व्यक्तित्वका रुपमा चिनिने युवा नेता थापा नेकपा एमाले पार्टीलाई संकट बेलामा पार्टी जोगाउनको लागि अग्रिम मोर्चामा डटेर काम गर्दै आएका छन् । एमाले पार्टीलाई संकट र अफ्ठ्यारो परेको बेलामा युवा नेता थापा सधैं अग्रमोर्चामा रहेर खटिँदै आएका छन् ।

उमेश कुमार थापा जिल्लामा लोकप्रिय नेताको रूपमा स्थापित छन् । सबैको कुरा सुन्ने तर कम बोल्ने प्रवृत्तिका थापाले आफू सर्वसम्मत् उपाध्यक्षमा निर्वाचित हुने विश्वास लिएका छन् ।

३० वर्षसम्म योगदानको तुलनामा अवसरबाट वञ्चित रहेका थापाले पार्टीका लागि त्याग गर्दै आएका छन् । अविछिन्न अविचलित रही पार्टीका निम्ति काम गर्दै आएका थापा पार्टीको कुशल संगठक हुन् ।