पोखरा । चलचित्र पत्रकार संघ कास्की शाखाको आयोजनामा मंगलवारदेखि शुरु भएको सूचना, प्रविधि र चलचित्र पत्रकारिता विषयक कार्यशाला सम्पन्न भएको छ । कार्यशालामा पोखराको चलचित्र पत्रकारितामा सक्रिय ४० जना पत्रकारको सहभागिता रहेको संघका अध्यक्ष अरुण गिरीले जानकारी दिए ।
कार्यशालामा प्रशिक्षक एवम् चलचित्र निर्देशक तथा लेखक मनोज पण्डितले कथा लेखन र कथाबाचन, कथाको निर्माण लगायतका विषयमा प्रशिक्षण दिएका थिए । दुई दिने कार्याशालामा सहभागीले कथा लेख्न र प्रविधिको प्रयोगबाट प्रभावकारिता बढाउन सिक्ने अवसर प्राप्त गर्ने बताए। कार्यशालमा पोखराका क्रियाशिल पत्रकारहरु सुरेश रानाभाटले चलचित्र पत्रकारितामा भाषाको प्रयोग, केशवशरण लामिछानेले चलचित्रमा फिचर लेखन, वाशुदेव मिश्रले सिनेमा समाज र पत्रकारिता संगै चलचित्रका विभिन्न आयामहरुका बारेमा प्रशिक्षण दिएका थिए ।
कानून, संचार तथा प्रदेश सभा मामिला मन्त्रालय, गण्डकी प्रदेशको सहयोगमा आयोजना गरिएको कार्यशालामा चलचित्र पत्रकार संघ कास्कीका सचिव प्रभु अधिकारीले संघले गरेको बिबिध सामाजिक तथा पत्रकारिता कार्यक्रम गरेको स्मरण गरे। उनले भोलीका दिनमा पनि सकारात्मक र रचनात्मक खालका कार्यक्रम संघले आयोजना गर्ने उद्घोष गरे।
कार्यशाला समापनका अवसरमा अध्यक्ष गिरीले संघले आउँदा दिनहरुमा पनि परिवर्तित परिस्थिति अनुरुपका तालिमहरु सञ्चालन गर्ने बताए । उनले पत्रकारलाई परिवर्तित अवस्थाको बारेमा निरन्तर क्षमता अभिबृद्धि गराउनुपर्ने बताएका थिए। समापन कार्यक्रममा प्रशिक्षितलाई संघका अध्यक्ष अरुण गिरी, प्रशिक्षक मनोज पण्डित, केशव शरण लामिछाने, संघका निर्बतमान अध्यक्ष रेम विक र संघका संस्थापक अध्यक्ष श्रीराम सिग्देलले प्रमाणपत्र वितरण गरेका थिए।
सम्बन्धित खबर
वर्ल्ड लिङ्कले ट्राफिकलाई गर्यो सहयोग, ६५ थान सामाग्री हस्तान्तरण
मानव अधिकारका सवालमा सबै पक्ष गम्भिर बन्नुपर्छः प्रदेश प्रमुख भट्ट
‘रवीन्द्र साझा नेता हुन्, एमालेको मात्र भनिएमा अन्याय हुन्छः काँग्रेस
कांग्रेसले गण्डकीका सभामुखलाई देखायो संसद् बैठकमै कालो झण्डा
गण्डकीका मुख्यमन्त्री अधिकारीले पाए विश्वासको मत, सर्वोच्चको आदेशलाई आधार
स्याङ्जा आँधिखोलामा डुबेर ६८ वर्षीया पविसराको मृत्यु
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग