कास्की क्षेत्र नं. १ (क) दीपक कोईराला (बाम): जिताउनुस्, पाँच वर्षसम्म मुलुकको समृद्धि हेर्नुस् (भिडियो)

कास्की क्षेत्र नं. १ (क) दीपक कोईराला (बाम): जिताउनुस्, पाँच वर्षसम्म मुलुकको समृद्धि हेर्नुस् (भिडियो)

deepakk

कास्की क्षेत्र नम्बर १ (क) का प्र्रदेशसभा उम्मेदवार दीपक कोइरालाले वाम गठबन्धनकै नेतृत्वमा बन्ने सरकारले सुकुम्बासी व्यवस्थापन गर्ने बताएका छन् । उनले कांग्रेसले कुनै पनि हालतमा सुकुम्बासी समस्यालाई सम्बोधन नगर्ने बताए ।

‘कांग्रेसले कहिल्यै गरिब दुःखीको हित सोचेन,’ उनले भने, ‘कम्युनिस्ट घटकले नै हो शोषित वर्गलाई सम्बोधन गर्ने ।’ माओवादी केन्द्रकातर्फबाट उम्मेदवार बनेका उनले सुकुम्बासीले पार्टीलाई दर्शाएको मायाप्रति सधैं आभारी रहेको जनाए । उनले सुकुम्बासी बस्तीको व्यवस्थापनमा आवश्यक बत्ती, पानी, टेलिफोन, विद्यालय लगायत पूर्वाधार विकासमा आफूले जोड दिने प्रतिवद्धता व्यक्त गरे ।

उनले वाम गठबन्धनले मात्रै मुलुकलाई निकास दिने भएकोले यसपटकको चुनावले देशकै भविष्य कता जान्छ भन्ने निर्धारित गर्ने बताए । ‘अग्रगमन रोज्ने कि पश्चगमन यही चुनावले छिनोफानो गर्छ,’ उनले भने, ‘त्यसैले पछि पछुताउनुभन्दा अहिले नै वाम गठबन्धन रोज्नु आवश्यक छ ।’ कार्यक्रममा गठबन्धनका नेताहरु कोमलनाथ बराल, विजयबाबु वनबासी, शालिकराम पौडेल, शिवजी लामिछाने लगायतले बोलेका थिए ।

उनले ९ महिनामा ढल्ने सरकारले विकास नगर्ने भएकाले बाम गठबन्धनलाई दुई तिहाई बहुमत दिएर पाँच वर्षसम्म ढुक्क भएर बस्न आग्रह गरे । उनले कम्युनिष्टबाट नआत्तिन आग्रह पनि गरेका छन् । हेर्नुहोस् भिडियोः

https://youtu.be/szbntdzA0LA?t=88

उक्त कार्यक्रममा गठबन्धनको वडा कार्यदल समेत गठन भएको १(ख) का चुनाव प्रचारप्रसार समिति संयोजक टिकाराम पंगेनीले जानकारी दिए । पदमकुमार श्रेष्ठको संयोजकत्वमा ७ सदस्यीय कार्यदल गठन भएको हो । कार्यदलको सहसंयोजकमा श्रीप्रसाद पन्थी, सचिवमा रुपेश परियार र सदस्यहरु पदमराज तिवारी, भरतराज धमला, मोहनराज बराल र बसन्ती विक छन् । संयोजक श्रेष्ठकै नेतृत्वमा वडा नम्बर ३२ मा १ हजार १ सय १ सदस्यी चुनाव प्रचारप्रसार समिति समेत गठन भएको पंगेनीले जनाए ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 4 seconds