रुखले बचायो दर्जनौं तिर्थालुको ज्यान, भिरमा यसरी अड्कियो बस

रुखले बचायो दर्जनौं तिर्थालुको ज्यान, भिरमा यसरी अड्कियो बस

Panchase

गण्डक न्युज पोखरा, २ मंसिर ।  शुक्रबार बालाचतुर्दशी । कास्की, पर्वत र स्याङ्जाको संगमस्थल पर्यटकीय तथा धार्मिक महत्व बोकेको स्थल पञ्चासेमा ठूलो मेला भरेर ध १ ख ८७ नम्बरको बसमा ४० बढी यात्रु फर्के ।

पञ्चासेबाट पर्वततर्फ जाँदै गरेको सो बस आर्थर नजिकैको कुस्मा नगरपालिका –१४ रेसको पाखाबाट झण्डै एक सय मिटर तल खस्यो ।

शुक्रबार दिउँसोको सो घटनामा पोखरा मालेपाटनका अन्दाजी ३२ वर्षीय दीपक गुरुङले ज्यान गुमाए । यति ठूलो भिरबाट खसेको बसमा सवार अन्य तीन दर्जन घाईते छन् ।

बस धेरै तलपुगेपछि एउटा रुखले गर्दा मात्र अडिएको छ । त्यसभन्दा तल झनै ठूलो भिर रहेको छ ।

पर्वत प्रहरीका अनुसार दुई दर्जन बढि हस्पिटलमा भर्ना भएका छन् । दुर्घटना लगत्तै सबैले आफ्नै तबरले घाईतेको उद्धार गरेकाले को कुन हस्पिटलमा लगिएकोबारे अझै किटान हुन सकेको छैन ।

धेरैको पोखरा ल्याईएको छ । दुई जनाको अवस्था अत्यन्त चिन्ताजनक र अन्य ६ जनाको गम्भिर रहेको बताईन्छ ।

तस्विरः आर पी निर्मल र मनोज गुरुङ

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 4 seconds