आसन्न प्रतिनिधि तथा प्रदेशसभा निर्वाचन अन्र्तगत कास्की क्षेत्र नं. ३ का बामगठबन्धनका उम्मेदवारहरुले मतदाताले गठबन्धनलाई दुई तिहाई मत दिने विश्वास प्रकट गरेका छन् । प्रदेश सभा क का उम्मेदवार रामजी बराल जीवन र ख तर्फका उम्मेदवार राजीव पहारीलाई साथमा लिएर आफ्नो क्षेत्रमा प्रतिनिधिसभाका उम्मेदवार जगत विश्वकर्मा खटिएका छन् ।

बिकले बाम गठबन्धनलाई नेपाली जनताले रुचाएको दाबी गर्दै गठबन्धनमा जनलहर बढदै गएको बताए । उनले गठबन्धनले देशैभर दुई तिहाई मत पाउने विश्वास प्रकट गर्दै देशलाई निकास दिई समृद्घिको बाटोतर्फ मोड्न गठबन्धन गरिएको स्पष्ट पारे ।

उम्मेदवार विश्वकर्माले निर्वाचन पछि बाम बहुमतको सरकार बन्ने ठोकुवा गर्दै त्यसले देशलाई निकास दिने उल्लेख गरे । उनले आफुहरु कम्युनिष्ट पार्टीका संस्थापकहरुको परिकल्पना पुरा गर्न लागि पर्ने प्रतिबद्घता व्यक्त गर्दै हेमजाको जनमत प्रगतिशील विचारधाराको पक्षमा रहेको पनि जनाएका थिए ।

प्रदेशसभा ३ क का उम्मेदवार रामजी बरालले संविधान मार्फत प्राप्त अधिकारलाई व्यवस्थित गर्न स्थायी सरकार चाहिने आवश्यकता औंल्याउदै, स्थायी सरकार तथा राजनैतिक स्थायित्वका लागि गठबन्धन गरिएको जनाए । उम्मेदवार बरालले मतदाताले आफ्नो मत प्रकट गर्दा विवेक पु¥याएर देशलाई निकास दिने शक्तिलाई मात्र दिन आग्रह गर्दै आगामी चुनावलाई फरक तर मौलिक प्रकारको चुनाव भएको भन्दै जनताका समस्यामा साथ दिने प्रतिबद्घता प्रकट गरेका थिए ।

समानुपातिक उम्मेदवार एवं पुर्व सांसद सीता गिरी ओलीले आफुहरुले समावेशी संविधान ल्याएको र त्यसैको कार्यान्वयनका लागि जनतासँग मत मागेको प्रस्ट पारिन् । अर्का समानुपातिक उम्मेदवार झलकपाणी तिवारीले गठबन्धनलाई परिवर्तनकारी शक्तिसँग तुलना गर्दै देशको अस्थिरतालाई परिवर्तन गर्ने दायित्व पनि गठबन्धनकै भएको भनाइ राखे ।

प्रदेश सभा ३ (ख) का उम्मेदवार राजीव पहारीले गठबन्धनले जित्दा देशले जित्ने र देशमा स्थायित्व प्राप्त हुने तर्क गर्दै चुनावका लागि मात्रै गठबन्धन गरिएको भनी कतिपय राजनैतिक दलबाट भएको प्रचारको खण्डन पनि गरे ।