गण्डक न्युज टिप्पणी
पोखरा । नेपाली काँग्रेसका नेता तथा कानुन मन्त्री यज्ञबहादुर थापाले आचारसंहिता कानुन मन्त्रीलाई नै किन नलागेको भन्ने प्रश्नमा निकै असहज ढंगले र अचम्म तरिकाले जवाफ दिएका छन् ।
पोखरामा सगरमाथा टेलिभिजनको आयोजनामा विहीबार भएको निर्वाचन विशेष कार्यक्रममा सहभागीहरुले मन्त्री थापालाई निर्वाचन आचारसंहिता उल्लंघन गरेको भन्दै प्रश्न उठाएपछि यसलाई सामान्य रुपमा लिनुपर्ने र यस्तो प्रश्न विपक्षीले भाषणमा उठाउने र प्रश्न सोध्नेलाई नै कार्यकर्ता भएको आशयमा अचम्मै लाग्दो जवाफ दिएका हुन् ।
मन्त्री थापाले अकमक्केर भनेका ति वाक्य कुनै कोणबाट पनि प्रश्नको जवाफका रुपमा आएन । सहभागी युवा विश्वदर्शन पराजुलीले कानुन मन्त्रीले नै निर्वाचन आचारसंहिता पालना गरेको छैन भन्दै घोषणापत्र, पार्टीले गरेका आचारसंहिता विपरित गतिविधिका बारेमा जानकारी गराएका थिए ।
कास्की क्षेत्र नं. १ प्रतिनिधि सभा सदस्य समेत रहेका मन्त्री थापाले भनेका छन्ः “प्रचार समितिले प्रचार सामाग्री छाप्दा पालना भएको छ । आचारसंहितामा मन्त्रीलाई तान्नुहुन्छ । यी सामान्य र तपसिलका कुराहरु…… यति ठूलो एकदम साँच्चै भनुँ भने … है है… सबैले, … अँ आँ … त्यसमा अलिकति आग्रह छ । हैन …. आग्रह भन्नाले कसैको कार्यकर्ता हुनु दोष होईन । कोणसभा, आमसभामा भाषण गर्नेले ल्याएको कुरा हो । भन्दै गर्नुहोला, यसबारे म धेरै जान्न । ….”
उनले वाक्य नटुंगिने यी जवाफमा पार्टीको प्रचार समितिले संहिताभित्रै रहेर काम गरेको, यति सामान्य कुरामा मन्त्रीहरुलाई तान्न नहुने, विपक्षी कार्यकताले आग्रहपूर्वाग्रहमा प्रश्न सोधेको र विपक्षीले सभाहरुमा लगाउने आरोप भनेर भनेका छन् । जबकि यो कुनै पार्टी विशेषप्रति नियोजित र पूर्वाग्रहसँग सोधिएको प्रश्न चाहिँ होईन ।
मन्त्रीलाई नै आचारसंहिता लाग्दैन भन्ने प्रश्न विपक्षी कार्यकर्ता नै भएपनि विपक्षीको मात्रै सवाल थिएन । उम्मेदवारको गाडीमा स्टिकर टास्ने , गाउँगाउँमा चुनावी प्रचारका लागी फेलेक्स, पोस्टर लगायत टाँसेको भेटिएको छ ।
सबै दलहरु यो सवालमा उल्लंघन कर्ता नै हुन् । तर यहाँ कानुनमन्त्रीले यस्तो भनेकाले उनी सम्बन्धित नै केहि तस्विर राखेका छौं ।
सम्बन्धित खबर
तनहुँमा घरको छतबाट खसेर २२ महिनाको बालकको मृत्यु
स्थानीय तह कर्मचारी संठनले बुझायो २७ बुँदे माग राख्दै ज्ञापनपत्र
अनुशासित र इमान्दारितापूर्वक काम गर्न नगर प्रहरीलाई उपमेयर गुरूङको निर्देशन
ईन्टर कलेज ब्याण्ड कम्पिटिशनका दर्शकलाई एनटिसीको सीम निःशुल्क वितरण गरिने
लमजुङमा डाक्टर कुट्ने वडा अध्यक्ष बस्नेत प्रहरी हिरासतमा
बिरामीको मृत्युपछि पोखरा मणिपालका डाक्टरमाथि हातपात
यो पनि पढौँ
आँखामा राख्दा पनि नबिझाउने ‘बिनोद सर’ अब सम्झनामा
रेडियो देशान्तरमै झुण्डिए पत्रकार, कारण प्रेमिका
तनहुँको भिमादस्थित सेती नदी किनारमा मृत भेटिइन् पोखराकी रमा
क्यान्सर पीडित पत्नीको उपचार गर्न नसकेपछि सँगै देहत्याग, एकै चितामा अन्त्येष्टि